Мамандар: Ластанған ауа бедеулік қаупін арттырады

Қытай ғалымдары 18 мың ерлі-зайыптылардың анализдерін зерттеді. Ауаның ластануы қала тұрғындарының бедеулік қаупін 20 пайызға арттырғаны анықталды, деп хабарлайды The Guardian.

Ғалымдардың айтуы бойынша ластанудың ұсақ бөлшектері адам ағзасында қабыну тудырады. Бұл жұмыртқа мен сперматозоидтардың пайда болуына зиян тигізуі мүмкін. Ерте жүргізілген зерттеулер ластанған ауаның мерзімінен бұрын босану мен салмақтың аз болу қаупін арттыратынын көрсетті.

«Көптеген зерттеулер ауаның ластануы жүктіліктегі көптеген жағымсыз құбылыстармен байланысты екенін көрсетті», - деді зерттеу жетекшісі Қытайдағы Пекин Университетінің үшінші ауруханасындағы репродуктивті медицина орталығының қызметкері Цин Ли.

Ли сонымен бірге бұл фактор ерлі-зайыптылардың 30 пайызында түсініксіз бедеуліктің себебі болуы мүмкін деп болжады.