“Маған әртіс ретінде ұнамайтын нәрсе – елімізде той-бизнестің қарқынды дамуы. Біз қанша дегенмен тыңдарманды тәрбиелейміз. Жүз жылға болмаса да, бірнеше онжылдыққа дейін ұрпақ тәрбиелейтін әндер шыққанын қалар едім. 20 жылдан кейін балаларымызға көрсетуге ұялмайтындай музыка болса деймін. Ал біз не көрсетеміз? Бізде қазір әндердің 60 пайызы тойға арналған. Бәрінен бұрын, әріптестерімнің сол арқылы ақша табуға тырысатындары мүлдем ұнамайды. Барлық ақшаны табу мүмкін емес қой”, – деп күйінді Мақпал.

Исабекова ақшаға тоймайтын әріптетері туралы да айта кетті.

“Ақшаның артынан қуып, өз ұрпағына не қалдыратынын ойламайтын жандар көп. Бұл дегеніңіз жауапкершіліктің жоқтығы. Ең бірінші кезекте, өзіңнен кейін не қалдырғың келеді, бұл әлемге қандай үлес қосқың келеді, осыны ойлану керек сияқты. Өмірге не үшін келдің? Көрге алып кете алмайтын ақшаны табу үшін бе? Әлде ақша тауып, оны балаларыңа қалдырып, ертеңгі күні өз күнін өзі көре алмайтын ұрпақ тәрбиелеу үшін бе? Өзіңе, отбасыңа жететіндей ақша тап. Ол сенің тамағыңа, киіміңе, қажеттіліктеріңе, керек болса жылына бір рет шетелде демалуға жететіндей ақша болсын. Бірақ шексіз ақша табуға тырысудың не қажеті бар? Менде мықты көлік бар деп мақтану үшін бе? Жақсы мақтандың делік. Бірақ ол саған не береді? Бар дүниені өзіңмен бірге алып кетпейсің ғой”, – дейді әнші.

Жіберіп алмаңыз:

Жастардың жолымен: Айдарбековтердің романтикалық суреті желідегілерді сүйсіндірді

Жеті жасар қазақстандық қыз «Игры престолов» сериалының кастингіне қатысып жатыр

Төреғалидің журналистерге арнаған жауап-бейнебаяны жарыққа шықты (видео)

Баланың даусын салып қызын еркелеткен Баян Алагөзова жұртты күлкіге қарық қылды (видео)

Талқылау