“Маккаби” клубы ағылшын командасына қарсы ойынға өз жанкүйерлерін қатыстырмайды

Фото:”Астон-Вилла” фк

Тель-Авивтің "Маккаби" футбол клубы Еуропа лигасы аясында ағылшынның "Астон Вилла" командасымен өтетін сырт алаңдағы ойынға өз жанкүйерлерін апармауға шешім қабылдады. Бұл туралы Stan.kz ақпарат агенттігі хабарлайды.

Себеп – Израиль саясатына қарсы наразылық шаралары өтуі мүмкін деген қауіп және көрермендердің қауіпсіздігіне алаңдаушылық.

"Жанкүйерлеріміздің қауіпсіздігі – біз үшін ең маңызды мәселе. Бұған дейін болған жағдайларды ескере отырып, біз бұл матчқа жанкүйерлерді жібермеу туралы шешім қабылдадық. Мұны дұрыс түсініп, құрметпен қабылдауды сұраймыз", – делінген клубтың ресми хабарламасында.

Айта кетейік, бұған дейін "Астон Вилла" клубы Израильден келген жанкүйерлердің ойынға қатысуына қарсылық білдірген. "Астон Вилла" мен "Маккаби" арасындағы матч 6 қараша күні Бирмингемдегі "Вилла Парк" стадионында өтеді.