Қызылордада Батырхан Шүкеновті еске алу кеші өтті (фото)
Танымал әнші, сазгер, Қазақстанның еңбек сіңірген қайраткері Батырхан Камалұлы Шүкеновті еске алуға арналған кештер, түрлі шаралар республикамыздың жер-жерлерінде ұйымдастырылуда. Сыр елінің жастары да өнерге деген сүйіспеншілігін, жерлестері Батырхан Шүкеновті жадында сақтайтындықтарын паш етіп, еске алу кешін өткізді.
Бұл туралы ҚазАқпарат хабарлайды.
Аталмыш шараға әншіні еске алып, естеліктерін айтуға, жақсы сөздерін арнап, оның рухына Құран бағыштау мақсатында жиналғандар саны аз болмады. Шарада әншінің өмірі мен өнер жолына арналған арнайы бейнебаян көрсетіліп, жас суретшілердің көрмесі ұйымдастырылды.
Жас суретшілер көрмесіне қатысып, туындысын ұсынған жастардың үздігі анықталып, марапатталды. Оларға арнайы диплом, алғыс хаттар мен бағалы сыйлықтар табыс етілді.
Сонымен қатар, әннен шашу шашылып, арнайы арнау орындалды.
Шара соңында қатысушы жастар мешітке барып, марқұмның рухына Құран бағыштады. Бұған дейін Батырхан Шүкеновті еске алуға арналған «Отан-Ана» байқауы өткені туралы жазған едік.
Шымбұлақтан да үлкен жаңа Көкжайлау тау шаңғысы курорты салынады: Жоба алматылықтар үшін не береді
Дәл осы жобада жеке виллалардың салынбайтыны нормативтік құжатпен нақты бекітілуі қажет дейді Ержан Еркінбаев
"Әлемде мейірім барына сендіретін жандар": 2025 жылғы жан жылытар әрекеттер мен халықты тәнті еткен қазақстандықтар
Желі қолданушыларын тәнті еткен халық арасындағы қаһарман кейіпкерлердің әрекеттеріне шолу жасадық