"Құжатымызды тартып алып, тегін жұмысқа жекті": Бірнеше қазақстандық Ресейде құлдықтан қашып шыққандарын мәлімдеді
Ресейде құлдықтан қашып шықтық деген бірнеше қазақстандық ел билігінен көмек сұрайды. Бұл туралы Stan.kz ақпарат агенттігі 31-арнаның “Информбюро” бағдарламасына сілтеме жасап хабарлайды.
Видеодан скриншот
Өзге елде соққыға жығылдық деген отандастарымыз ақшасыз, құжатсыз Қазақстанға қайта алмай жүргендерін айтып, желіде жазба қалдырған.
“Қалтамызда көк тиынымыз жоқ. Құжатымызды тартып алды. Таза құлдық болды. Енді қайта алмай отырмыз”, – деді олар.
Сөздерінше, үш жігіт Ресейдің Железногорск қаласына жұмыс істеуге барған. Бірақ бір миллион теңгеге дейін жалақы деген жарнама жалған болып шыққанын айтады. Оларды тегін жұмысқа жегіп, ешқайда шығармады деп күйінеді.
Құлдықтан қашып шықтық деген жерлестеріміз Мәскеуде жасырынып жүргенін айтты. Сыртқы істер министрлігінің өкілдері Қазақстан азаматтары елге аман-есен оралғанын мәлімдеді. Қазір жағдай реттелген, алаңдауға негіз жоқ деп отыр.
"Авиаотын бағасын көтеріп, қауіпсіздік талабын орындамау": Қазақстандық әуежайларға неге жаппай айыппұл салынды
Көптеген әуежай авиаотынды монополиялық жоғары бағада сату арқылы миллиондаған табыс тапқан
"4 миллион теңге күйіп кетті": Мерекеде қызғалдақ сатқан қазақстандық кәсіпкерлер биыл шығынға батқан
Кәсіпкер: "3000 гүл сатуымыз керек еді, бірақ тек 166 дана қызғалдақ саттық"