"Құрт, құм, балдыр қоса ағады": Алматы тұрғындары қоқыс толы суды ішуге мәжбүр

Алматы қаласының Наурызбай ауданының тұрғындары құм мен құрты бар суды ішуге мәжбүр. Адамдар жиырма жылдан астам уақыттан бері сумен қамтамасыз ету мәселесін шеше алмай келеді, деп хабарлайды Stan.kz ақпарат агенттігі "Астана" арнасына сілтеме жасап. 

Күміс Умешева күнін су кранының жанында өткізеді. Барлық ыдыстарды суға толтырады. Ал содан кейін оны басылу үшін бірнеше сағатқа қойып қояды. 

 "Әйтпесе, оны ішуге болмайды", - дейді зейнеткер. Судың сапасы бұрыннан қауіп тудыра екен.

"Су лас, қара, құммен, бұтақтарымен, жапырақтарымен ағып жатыр. Ең қорқыныштысы – құрттармен. Оны ішуге болмайды. Барлық кір басылуы үшін осындай әрекетке баруға мәжбүрміз. Шаршадық. Міне, кір жуғыш машинаны соңғы бірнеше жылда 3 рет ауыстырдым", - дейді Күміс Умешева.

Мұнда жергілікті тұрғындардың барлығы дерлік тұрмыстық техниканының бұзылуына шағымданып отыр. Суды тазарту үшін адамдар арнайы сүзгілер орнатқан. "Бірақ олар үнемі құммен, қоқыспен және құрттармен бітеліп қалады", дейді адамдар. Тұрғындар мүмкіндігінше ауыз су сатып алуға тырысады. Су құбыры тек күнделікті өмірде қолданылады. Бірақ ол өте лас, тіпті оны жуу да жағымсыз.

"Ваннаға су алу үшін кейде тіпті қорқасың, шынымен. Менің балам бар, қыз, оны осы суға қалай түсірсем боалды деп ойлайсың.  Бұл өте қауіпті. Егер дәретхананы тазаламасаң, дәретхана бітеледі. Құрттар, кір, құм, саз. Жалпы, бұл суды ішу мүмкін емес. Осындай су болған кезде қандай коронавирус. Мұнда денсаулықты құртуға болады", - дейді Алматы қаласының тұрғыны Зарина Авдинова.

"Жергілікті тұрғындар бұл мәселені 20 жылдан астам уақыт бойы шеше алмай келеді. Жылумен жабдықтаудада солай. Ол қыста болмағандықтан, адамдар жылытқыштарды пайдаланады. Бұл өз кезегінде тағы бір проблеманы тудырады - қосымша жүктемеге байланысты жарық жиі өшеді", - дейді тілші Анар Нұртазина.

"Біздің үйде проблемалар жеткілікті. Құжаттар дұрыс емес. Ешкім ештеңе шеше алмайды. Шенеуніктер бұл туралы біледі. Біз мұнда өз-өзімізбен қаламыз. Элиталық аймақ деген атауы ғана", - деді тұрғын Серікбай Бозаев.

Шенеуніктердің айтуынша, адамдар құрттары бар су ішеді, өйткені олардың үйлеріне Үлкен Алматы өзенінен тікелей келеді. Бірақ мәселені шешу үшін шаралар қабылданып жатыр.

"Мердігер ұйым - "Сұңқар" ЖШС. Былтыр, жыл соңында басталды. Биылғы жылы толығымен аяқталады. Содан кейін бұл желілер "Алматы Су" балансына беріледі және техникалық шарттарға сәйкес аталған үйлер қосылады", - деді Алматы қаласы Наурызбай ауданы әкімі аппаратының коммуналдық шаруашылық бөлімінің басшысы Өркен Қодаров.

Шенеуніктер жылумен қамтамасыз ету мәселесін де шешуге уәде береді. Қазір құжаттар дайындалуда. Егер қалалық энергетика басқармасы келісім берсе, онда көп ұзамай жұмыс басталады. Бірақ, нақты қашан екені белгісіз.

Талқылау
Пікір
Қазір оқып жатыр
Çàãðóçêà...
Қазір оқып жатыр