"Күйеуімнің заңды әрі жалғыз әйелімін": Гүлзада Тұрлаш өзін сынағандарға жауап берді
Қыран Талапбектің екінші әйелі Гүлзада Тұрлаш авторлық курсын сатқаны үшін, өзін сынағандарға жауап берді. Бұл туралы Stan.kz ақпарат агенттігі хабарлайды.
©instagram.com/gulzada_tl
“Осы уақытқа дейін үндемей келдім. Бірақ бақытсыз және өзін екінші орынға қоятын әйелдер жайлы сөйлесетін кез келді. Өзін “қоғам қайраткері” деп санайтын кей әйелдер жеке өмірінде ерінің назарынан тыс қалғанына үйреніп қалған. Мені өз парақшасында жариялап, тегін жарнама жасап беріп жатыр. Мен расымен бақытты әйелмін. Өйткені күйеуімнің заңды әрі жалғыз әйелімін. Бірақ “қоғам қайраткерінің” ондай мәртебесі жоқ. Маған жағымсыз пікір жазатындар тұрмыстық зорлық-зомбылықтың құрбаны немесе жан жарасы жазылмаған жалғыз әйелдер, арғы жағын айтпай-ақ қояйын. Уайымдамаңдар, қыздар. Менің жекеме жазсаңдар, ақысын төлеймін, психологқа барыңдар. Бұлай жүре беруге болмайды”, – деп жазды Қыран Талапбектің екінші әйелі.
Айта кетейік, бұған дейін Айгүл Мүкей күйеуінен қымбат сыйлық алудың жолын үйретемін деген Гүлзада Тұрлашты сынап тастаған болатын.