Соңғы жаңалықтар
Соңғы жаңалықтар

"Күйеуім ішкіш болғасын екі баламен қашып кетуге тура келді": Бибігүл Төлегенова отбасында жолы болмағанын айтты

Қазақтың күміс көмей, жез таңдай әншісі Бибігүл Төлегенова өнерде жолы болғанымен, жеке өмірінде бағы ашылмағанын айтады. "Астана" телеарнасындағы "Оңай емес" бағдарламасына берген сұхбатында өнер иесі "Әйел болу оңай емес" деген пікірін білдірді.

"Бәрін жайғастыратын әйел ғой, үйленіп жатқандарға  "Айналайын, сен барғанда сүйікті келін бол, инабатты бол, жақсы жар бол" деп айтамын. Мен жақсы жар болуға тырыстым, бірақ бола алмадым, күйеуімнен ішкіш болған соң екі баламен қашып кетуге тура келді. Өнерім арқылы осы дәрежеге жеттім, әйтпесе мені ешкім қолдаған жоқ, көтерген жоқ, мені тек ұра берді (өмір - ред.), мен көтере бердім. Сондықтан кез-келген адамның бетіне тік қарай аламын. Өнер жағынан мен бақытты болдым. Тек күйеулерден қиындық болды, "маған қатын керек, тамақ істеу, кір жуу, қонақ күту керек" деп, а бірақ мен бәрін істедім, дегенмен командировкадан қазанымды көтеріп келе алмаймын ғой, жұдырығы дайын тұрады, қой дедім, күйеуден жолым болмаған шығар деп. Менің бағым - менің елім", - деп бөлісті опера әншісі жеке өмірінің көпшілікке беймәлім парақшаларымен. 

Жуырда 90 жас мерейтойын атап өткен әншінің қызы ғылым докторы, физик екен, ізінен қуып, өнер жолын таңдаған Мариямгүл қызын осыдан 12 жыл бұрын жоғалтқанын айтты.

"Ұлдан қыз жақын екен, үлкен қызым маған қолғанат, сүйретіп жүр, өзінің жұмыстары да басынан асып жатыр" деген әнші балаларының өз атында жүргенін "Бірінші жолдасыммен регистрацияға тұра алмадым, сондықтан екі қызымды атыма жаздырттым. Ал екінші күйеуіммен ажырасқанда алимент төлегісі келмеді, сондықтан баламды да өз атыма жаздырттым" деп түсіндірді. 

"Театрда бірсыпыра жақсы-жақсы дүниелерді орындадым, үстімнен арыз жазғандар көп болды, бұл филармония әншісі, опера әншісі емес деп, бір шеті өзі тілімнен де таптым, кейін өсе келе, тілді "қысқарту" керек екенін түсіндім", - деп бөліседі Бибігүл апай.

Әнші атағы опера театры емес, филармония әншісі ретінде шыққанын және барлық атақтарды филармонияда жүріп тапқанын айтады.

Ұзақ ғұмыр жасаудың айнымас бір бөлшегі - аралас-құралас болып, жақын араласқан адамдардың көз алдында өтуі. Осы туралы сауал қойған жүргізушіге әнші:

"Өте көп жақын достар болмады, Лязиза Имашева, Гульфайруз Исмаилова, Фатима Балғаева өті жақын досым болды. Өкінішке орай, олардың барлығы кетіп қалды, осы күнге Ермек, Роза Бағланова, Роза Жаманова жете алмады. Күләш апай мүлдем жап-жас 45 жасында кетіп қалды. Қазір жалғыз қалдым. Менің арманым тек балаларым, немере-шөбере аман болсын, жастар аман болсын", - деген тілегін айтты өнер иесі. 

Әнші осы күнге жеткеніне қуанышты екенін айтып, жас келе адамның тек келбеті емес, сонымен қатар дауысы да өзгеретінін тілге тиек етті.

"Дауыс диапазоны қысқарады, мысалы қазір мен "Бұлбұлды" айта алмаймын, жоғары ноталарын ала алмаймын", - дейді ол.

Талқылау
Пікір
Соңғы ЖАҢАЛЫҚТАР

Оралда ер адам үйлену тойынан кейін бесінші қабаттан секірмек болды бесінші

Жігіт әйелімен ұрысып қалған

Полиция қызметкері қаруланған ер адамнан отбасын құтқару кезінде қаза тапты

Ер адам отбасын пышақпен қорқытқан

Әлемге әйгілі дәрігер ұзақ өмір сүрудің жолдарын айтты

Ол миға салмақ салмауға кеңес берді

DVD ойнатқышы үшін баланы бауыздап тастады: Қарағанды ​​облысының тұрғыны көршісінің қызын өлтіргені үшін сотталып жатыр

Ата-анасы үш жасар қызды көршісіне қарай тұруға тастап кеткен

Белгісіз дертке шалдыққан ақтөбелік арудың жағдайы нашарлап бара жатыр

Ақтөбелік келіншекке дәрігерлер бірнеше жылдан бері дұрыс диагноз қоя алмай келеді

Жиырма жылын жұмсаған: Ер адам өз қолымен құрастырған ұшақты сыйға тартты

Үш қабатты ұшақтың ішінде бірнеше қонақ бөлме, жатын бөлме бар

Forbes журналы әлемдегі ең бай адамды атады

Бұл жолы Amazon компаниясының басшысы рейтингтегі бірінші орнын француздық бизнесменге берді

Алматыда қисайып қалған үйдің тұрғындары пәтерлеріне оралады: зерттеу қорытындылары пайда болды

Үш айға созылатын жөндеу жұмыстарынан соң, үй иелеріне қайтарылады

Үйден емделуге кеңес берген: Елордада 8 жасар бала қайтыс болды

Дәрігерлер баланы ауруханаға алып барғанда үйге қайтарып жіберген

СҚО-да ер адам балаларының көзінше әйелін аяусыз сабап өлтірген

Екі рет сотталған, жұмыссыз болған ер адам әйелінің есебінен күн көріп келген
Çàãðóçêà...