Күн суытады: Синоптиктер алдағы күндері Қазақстанда ауа райы қандай болатынын айтты
«Қазгидромет» синоптиктері 31 қазан – 2 қарашаға арналған ауа райы болжамын жариялады. Мамандардың болжамынша, қараша айы күннің суытуымен басталады, деп хабарлайды Stan.kz ақпарат агенттігі.
«Кезекті циклон қалыптасып, Ресейдіңе бөлігінде белсенділігін арттыра бастады. Алдағы тәулікте циклон Оралға қарай жылжиды. Соның әсерінен Қазақстанның батыс және солтүстік-батыс аймақтарына суық фронттар ығысады», - дейді синоптиктер.
Циклон және фронттардың шығыс бағытта жылжуына байланысты жаңбыр және жылбысқы қар түріндегі жауын-шашын жауады. Сондай-ақ екпінді жел соғып, кей жерлерде бұрқасын мен көктайғақ болады деп күтіледі.
Мамандардың болжамынша, климаттық нормадан 3-6°С, еліміздің солтүстігінде 8-13°С жоғары болған аномальді жылы ауа температурасынан кейін күннің суытуы күтіледі.
Қараша айының басында батыс өңірлерде ауа температурасы орташа көпжылдық нормадан 2-4°С төмен болады деп болжанып отыр.
Талқылау
