"Көзбояушылықпен жасалған": "Ақкент" тұрғын үй кешеніндегі өрттен аман қалған үйдің барлық тұрғындары пәтерлеріне оралды
Алматыда тамыз айында орын алған "Ақкент" тұрғын үй кешеніндегі жантүршігерлік өрттен аман қалған үйдің барлық тұрғындары пәтерлеріне оралды. Қала әкімдігі 2 айдан кейін жөндеу жұмыстары аяқталғанын мәлімдеді. Бұл туралы Stan.kz ақпарат агенттігі хабарлайды.
Фото: Бейнеден алынды
Көпқабатты тұрғын үйде әзірлеуші кабельді ауыстыру, есептегіштер мен кіреберістерді қалпына келтіру жұмыстары толығымен орындалды. Бұл ретте ауа озонизацияланып, бейнебақылау камералары мен өртке қарсы жүйе орнатылды.
Алматы әкімдігі қалпына келтіру жұмыстарына 168,4 млн теңге бөлді. Оның 68,4 миллион теңгесі қоныс аударуға және тұрғындарға 2 айға жалға берілетін пәтерлер бөлінді. Ал қалған қаражат үй ішіндегі жөндеу жұмыстарына жұмсалды.
"Тұрғындар пәтерлеріне тезірек оралуы үшін құрылыс салушының жөндеу-қалпына келтіру жұмыстарына қосымша 300 миллион бөлгені белгілі болды. Құрылыс компаниясы өртте қаза тапқандардың отбасына үш бөлмелі пәтер сыйлап, 2,2 миллион теңге несиесін қайтарды", - деп хабарлады әкімдік.
Жаңартылған үйлеріне кірген тұрғындар әкімдікке алғысын білдіріп, арнайы видео жариялады. Алайда желіде тұрғындардың бірі жөндеу жұмыстарының көзбояушылықпен жасалғанын айтқан видеосы тарды.
Фото: Бейнеден алынды
Айта кетейік, Осы жылдың 1 тамызында "Ақкент" тұрғын үй кешенінде өрт болған еді. Адамдар түтін басқан пәтерлердің балкондарынан секіріп, барлығы 43 адам зардап шекті. Көпшілігі ауыр жарақат алып, 31 жастағы Әсел Бекмұхаметова қайтыс болды.