Қостанайда балабақшаның музыка бөлмесі өртке оранды

Қостанайдағы №4 балабақшаның музыка бөлмесі өртке оранды. Төтенше жағдай бүгін сағат 12.20-да болған. Бұл туралы Stan.kz ақпарат агенттігі хабарлайды. 

Әкімшіліктің айтуынша, олар түтінді байқап, өрт сөндірушілерді шақырған.

"Өрт болған кезде музыка кабинетінде сабақ болмады. Балабақшадан 151 бала мен 32 қызметкер жақын маңдағы №17 мектепке эвакуацияланды", - деді Қостанай облысының білім басқармасы.

Өрттің шығу себебі әлі жарияланған жоқ. Оқиға болғандардың арасында зардап шеккендер жоқ, өрт сөндірілді. Ата-аналар балаларын үйлеріне алып кетті.