Қостанай облысында 21 адам бруцеллез жұқтырған, оның төртеуі бала
Қостанай облысында соңғы айларда бруцеллез жұқтыру жағдайы көбейіп кеткен. Соңғы 6 ай аралығында 21 адамнан осы ауру анықталып отыр, деп хабарлайды Stan.kz ақпарат агенттігі Қазақстан телеарнасына сілтеме жасап.
Дерекке сүйенсек, соңғы алты ай ішінде бруцеллез анықталған 21 адамның төртеуі бала.
Бұл былтырғы жылмен салыстырғанда 5 пайызға көп. Ал республикалық орташа көрсеткіштен 2 есе жоғары.
Бруцеллез дерті ішкі органдарды зақымдап, асқынған жағдайда кемтарлыққа соқтыруы мүмкін. Індет адамға ауру малдың етін, сүтін тұтынғанда жұғады.
“Барлық жағдайда ауырған адамдар індетті өздерінің үйіндегі жануарлардан жұқтырған. Әзірге олардың арасында дерті асқынғандар жоқ. Тиісті емшараларды қабылдап жатыр”, - дейді облыстық Санитариялық-эпидемиологиялық бақылау департаменті басшысының орынбасары Гүлім Досымова.
Еске салайық, бұған дейін еліміздің екі өңірінде бруцеллезге байланысты шектеулер енгізілетінін жазған едік.
"Дәрінің құны 1,5 миллиард теңге": Бұлшықеті әлсіз қазақстандық бүлдіршінге денсаулық сақтау министрлігі көмек көрсетуден бас тартқан
Дәрігерлер қателесіп, 4 ай бойы баланы бауыр фиброзынан емдеген
Қазақстан әйелдерінің үйдегі тегін еңбегінің құны қанша: Есептеп көрдік
Оқырман: "Әйелдер де күнделікті тұрмыстан шаршайды, кейде демалып алғысы келеді"