"Қосылып жыладым”: Желіде өзіне келген бауырын көріп, көзіне жас алған қазақстандық сарбаз көптің көңілін босатты
Желіде Таразда әскерде жүрген сарбаз бен оған Алматыдан арнайы келген бауырының видеосы жұртшылықтың көңілін елжіретті. Видеода сарбаз бауырын көріп көзіне жас алған. Бұл туралы Stan.kz ақпарат агенттігі хабарлайды.
Сурет желі кадрларынан
Борышын өтеп жүрген жігіт өзінің қадірлі қонағын көріп, қуанып оған қарай жүгіреді. Одан кейін құшақтасып, тіпті көзіне жас алды.
Бұл видеоны көрген желі қолданушылары әсерге бөленді.
“Жаным қуанған жүрегіңнен”, “Қандай керемет, қашанда бауыр керек”, “Әскерде қанша отан қорғар азамат болсаң да жақындарың үшін тәтті бала болып қала бересің”, “Эмоцияларын көрсете білетін және көз жасын әлсіздік деп санамайтынын ерлерді жақсы көремін”, “Мен де қосылып жыладым”, – деп жазысты пікір қалдырушылар.
Талқылау