Коронавирустың симптомсыз тасымалдаушылары жоқ - Иммунолог

Берн университетінің иммунология институтының профессоры және бұрынғы директоры Беда Штадлер симптомдары жоқ, бірақ коронавируспен ауыратын науқастар туралы деректерді миф деп атады. Ғалымның зерттеуі Америкалық медицина академиясының порталында жарияланды, деп хабарлайды Stan.kz ақпарат агенттігі.

Штадлердің пікірінше, бүкіл әлемде коронавируспен күресте қателіктер жіберілген. Сонымен, оның айтуынша, Sars-CoV-2 коронавирусы мүлдем жаңа вирус емес, ол басқа коронавирустарға ұқсас; ол жазда мутациялайтын және кейін жоғалып кететтін, суық тудыратын маусымдық вирус сияқты.

Коронавирустың басты қауіпі ретінде әлемдегі сарапшылар оған қарсы иммунитет жоқ деп атады, бірақ бұл тек болжам ғана, өйткені тиісті зерттеулер жүргізілмеді. Бұған дәлел ретінде ғалым жаңа коронавирус бұрын SARS вирусының өршуі болған Қытайдың аудандарына аз әсер еткенін айтты. 

Штадлердің айтуынша, эпидемиологтардың коронавирустың маусымдылығына сенбеуі дұрыс емес нұсқалар мен болжамдардың пайда болуына алып келді.

"Бастапқы ең нашар сценарий еш жерде орындалмаса да, кейбіреулер екінші толқынды болжайтын нұсқаларға әлі де сеніп отыр", - дейді Штадлер.

Ғалым сондай-ақ, коронавирустың симптомсыз тасымалдаушылары жоқ екенін айтты. Оларда қауіп тобына енбеген көптеген балалар сияқты ауруға қарсы иммунитет бар. Қателік коронавирустың бар-жоғын анықтайтын тесттер вирустың тірі екенін немесе иммундық жүйе әсерінен басылғанын анықтай алмайтындықтан болды. Сонымен қатар, ол симптомсыз тасымалдаушылар басқаларға жұқтыра алмайды деп санайды.