"Вакцина салдыруға болмайтын бірнеше топты анықтадық. Вакцинаны ауыр аллергиялық реакция болған жағдайда, жүктілік және бала емізу кезінде салдыруға болмайды. Нақты ақпараттар болмағаннан кейін, бұл топтағы адамдарға екпе егу мәселесі қарастырылмайды", - дейді Шоранов.

Одан бөлек, вакцина қауіп төндіруі мүмкін адамдар тобы да анықталған. Алайда бұл топқа жататындарға вакцина салдыруға болмайды деген шектеу жоқ.

"Оған қоса, препаратты бүйрек пен бауырдың созылмалы аурулары бар, эндокриндік жүйенің жұмысы бұзылған жағдайда, қант диабеті кезінде, эпилепсия, инсульт және басқа да аурулармен ауыратын адамдарға қолдану кезінде өте сақ болу керек. Жүрек қан тамырлары жүйесінің аурулары, аутоиммунды аурулар, өкпе қабынуы аурулары, астма жағдайында да вакцина салдыру қауіпті. Оған қоса, қатерлі ісікпен ауыратын адамдарға қолдану барысында абай болған абзал. Бұл топтағы адамдарға вакцина салдыруға шектеу қойылмайды. Алайда сақ болу керек, кері әсер етуі мүмкін",- дейді ол.

Еске салсақ, ҚР Денсаулық сақтау бірінші вице-министрі Шоранов Марат Едігеұлы бір вакцина екі рет салынатынын айтты. Сөзінше, бастапқыда 0,5 мл дозасында екпе салынады. Екінші екпені 23 күннен кейін тура осы дозада қайтадан егу керек.

Талқылау