"Қорқынышты трюк ажалына себепкер болды": "Буынсыз адам" атанған Айдос Тоқтарбай дүниеден озды

Ел арасында “буынсыз адам” атанған цирк әртісі Айдос Тоқтарбай дүниеден өтті. Бұл туралы Stan.kz ақпарат агенттігі хабарлайды. 

Фото: “Астарлы ақиқат” бағдарламасынан скриншот

Қаралы хабарды актер Рахман Омар жеткізді. 

 "Айдос Тоқтарбай бауырымыз мезгілсіз өмірден өтті. Цирк өнерінің шебері", – деп жазды актер. 

• "Жала жабылып, үш ай түрмеде отырдым": Отандық әртіс өміріндегі қиын мезеттер туралы ашық айтты

• "Өз-өзімді жоғалтып, арам суға салынып кете жаздадым": Өнерімен халықты аузына қаратқан Айдос Тоқтарбаев неге құрылысшы болып кетті

Одан кейін белгілі жазушы Бейбіт Сарыбай марқұмның неден көз жұмғанын айтты. 

“Цирк өнерінде қайталанбас трюктер жасап жүретін Айдос Тоқтарбай құрдасым өмірден озыпты. Өкінішті. Көрген адамның өзі қорқып отыратын қорқынышты трюк ажалына себепкер болыпты. Ақкөңіл, аңқылдаған қайран дос. Сен де көштің бе бұл жалғаннан?! Жаның жәннатта болсын, мейірімі шексіз Алла алдыңнан жарылқасын. Көрмеген көшеңнен қорықпа, бабаларың кеткен жақ. Туыстарына көңіл айтамын”, – деді әдебиет өкілі. 

Еске салайық, өнер иесі өткір қанжар жұтып, кеңірдегін кескенін айтқан еді.