Қорғаныс министрінің өкілі әскери міндеттен босатуға қатысты екі басты факторды атады

Қарулы Күштер бас штабы ұйымдастыру-жұмылдыру жұмыстар департаменті бастығының орынбасары Азамат Дүсимов азаматтар екі фактор бойынша жиі әскерге жарамсыз деп танылатынын айтты. Бұл туралы Stan.kz ақпарат агенттігі хабарлайды. 

Фото: gov.kz

"Бірінші кезекте, денсаулық жағдайына байланысты өтпей қалады. Екінші басты фактор – психологиялық-эмоционалды сынақтан өтпей қалады", – деді ол. 

Ведомство өкілі ата-аналардың балаларын әскерге жіберуге қызығушылығы артқанын айтады. Ол мұны әскерде борышын өтеп келгеннен кейін тегін жоғары білім алу мүмкіндігімен байланыстырады. 

"Жедел желіге осы сұрақ бойынша ата-аналары жиі хабарласады. Сосын бізге балаларын жібереді", – деді ол. Әскерден кейін 600-ден астам азамат білім беру жеңілдігін пайдаланды.

Айта кетейік, енді әскери билеттер әскери борышын өтеген адамдарға ғана беріледі.