Соңғы жаңалықтар
Соңғы жаңалықтар

Қордайдағы қақтығысқа контрабанда себеп болған

Қордайдағы қақтығысқа контробанда үшін талас себеп болған. Ауданға сапарлап барған Президент Қасым-Жомарт Тоқаев елді елең еткізген оқиғаның бұрын айталмаған себебін ашты. Десе де дүнген диаспорасының өкілдері қазақ халқынан кешірім сұрады. Ауылдағы өзге ақсақалдар барлығын бірдей жазаламауды өтінді. Бұл туралы Stan.kz ақпарат агенттігі Еуразия бірінші арнасы сілтеп хабарлайды.

185 адам зардап шегіп, 39 үй өртеніп кетті: Қордайда болған қақтығысқа қатысты нақты мәліметтер айтылды

Алғыс айту күнін Қасым-Жомарт Тоқаев Қордайда өткізді. Өзі айтқандай тойлау үшін емес, елді есеңгіреткен қақтығыстан кейінгі жағдаймен танысу үшін барды. Жамбылға сапары аясында жергілікті дүңген диаспорасымен де жолығып қайтуды мақсат етіпті. Әңгіме барысында оларды мемлекеттік тілге құрмет көрсету керектігіне мән берді.

Мұндай қауырт кездесуге ақпандағы қақтығыс түрткі болғаны белгілі. Оқиғадан сабақ алу керек деген ортақ ой айтылып, дүнген ақсақалы кешірім сұрап сөз алды.

"Болған оқиға бәріміз үшін өкінішті жағдай. Біз сізден кешірім сұраймыз! Біз әлі осы жақта өмір сүреміз, ел игілігі үшін жұмыс істейміз", - деді Қордай ауданының құрметті азаматы Шисыр Динлансон.

Бұған дейін қақтығысқа жол ережесінің бұзылуы себеп болды деп айтылып келіп еді. Басқа да тұрмыстық факторлар болғаны жарияланған. Жергілікті тұрғындармен кездесуі кезінде Мемлекет басшысы мәселе шекарадағы контробандадан туындаған деп, мүлде басқа нұсқаны жария етті.

"Ауданда бір топ адам белсенді түрде контробандамен айналысып жүр. Осы іске басқа топ та қатысқысы келеді екен. Бір сөзбен айтсақ, заңсыз табыс көзі үшін екі қылмыстық топтың арасында теке-тірес пайда болды. Бұл теке-тірестің салдарынан көп адамдар зардап шекті 11 адам қаза тапты", - деді ҚР президенті Қасым-Жомарт Тоқаев.

Аталған қылмыстық топтармен күрес күшейетін секілді. Бірқатар мәселелердің барын біле тұра шара қыла алмаған полиция басшылығы ауысқан қазір. Тергеуге енді басқаша көзқарас болатын секілді. Осыған қарай жергілікті ақсақалдар "шаш ал десе, бас алуға" жол берілмесе екен деп тілеп отыр.

"Қазіргі жастар албырт. Шапқылап әлгі ішінде жүрді әйтеуір қатыспаса да. Соның барлығы енді түгеліменен істі болып кетпесе екен деп ойлаймыз. Себебі, жастар біздің келешегіміз. Олар істі болмай аздап заң әділдігіне қарап соны дұрыстап бағалап, соған баға берсе екен", - дейді Қордай ауылдық ардагерлер кеңесінің төрағасы Әбдібек Сейілханов.

Полиция ғана емес, облыс басшылығы да алмасқан еді. Президент бұл ретте тәжірибесі мол Сапарбаевтың алдында қандай міндет тұрғанын ауыл жұртшылығына тағы бір қайталап айтып кетті.

"Бұл азаматты сіздер жақсы танисыздар. Тәжірибесі мол мемлекеттік қызметші. Оның алдында тұрған мақсат қақтығысқа, тұрақсыздыққа әкелген жағдайлардың бәрін түбегейлі жою және өңірдің дамуына жаңа серпін беру", -  деді мемлекет басшысы.

Қордайдағы жаппай қақтығыста 11 адам көз жұмып, 170-тей азаматқа дәрігерлік көмек көрсетілген. 6 адам әлі де ем қабылдап жатыр. Оқиғадан бір айдай уақыт өтсе де, нақты келтірілген шығын көлемі әлі айтылмай отыр. Тергеу аяқталған соң белгілі болады дейді Тек 39 тұрғын үй, 20 коммерциялық нысан мен 50-ге жуық көлік отқа оранғаны туралы ғана ақпарат бар.

Талқылау
Пікір
Соңғы ЖАҢАЛЫҚТАР

Тағы 15 адам тiркелдi: Қазақстанда 584 адам коронавирус жұқтырды

Коронавирус індетін жұқтырған тағы 15 жағдай тіркелді

"Демалыс кезінде үйінде болған": Семейда 14 жастағы жасөспірімнен коронавирус анықталды

Науқас - 2006 жылы туған, Семей қаласының тұрғыны

Өскеменде кәсіпкерлер әкімдікке баса көктеп кірмекші болды

Олар рұқсаттама ала алмағандарына ызаланды

Алматыда жезөкшелердің қызметін ұсынған монша анықталды

Саунаны криминалдық полиция тапқан

Қазақстанда алғаш рет жүргізуші мас күйінде ЖКО себепкері болғаны үшін 4 жыл түрмеге қамалды

887 мың қазақстандық 42 500 теңге жәрдемақы алуға өтініш берген

Бұл туралы еңбек және халықты әлеуметтік қорғау вице-министрі Нариман Мұқышев мәлімдеді

"Подъездің есігін құлыптап, тек саңылау қалдырған": Ақтау әкімдігі желіде тараған суретке түсініктеме берді

Әкімдік: "Әлеуметтік желілерде және түрлі басылымдарда бір суретке негізделген жалған ақпарат тарап жатыр"

"Көмек емес, пайдакүнемдік": Қазақстандықтар несие мерзімін кейінге шегеру шарттарына наразы

Заң форс-мажор болса да, сыйақыны есептеуді тоқтатуға мүмкіндік бермейді

Бұрынғы күйеуі бетін пышақпен тіліп тастаған: Ақтөбелік әйел халықтан көмек сұрады

Олардың ажырасқанына екі жыл болған

Ақтөбеде, Қызылордада және Шымкентте болған: Қазақстандық жүк көлігінің жүргізушісі коронавирустан көз жұмды

Ол сапарда баласымен бірге болған
Çàãðóçêà...