Көлсай көлдері ЮНЕСКО-ның мұралар тізіміне енуі мүмкін
Көлсай көлдері ЮНЕСКО-ның бүкіләлемдік мұралар тізіміне енгізілуі мүмкін. Бұл туралы Экология, геология және табиғи ресурстар вице-министрі Ерлан Нысанбаевпен болған кездесуде белгілі болды, деп хабарлайды Stan.kz ақпарат агенттігі.
"Кеше Париждегі дипломаттарымыз "Көлсай көлдері" жобасын ЮНЕСКО-ның мұралар тізіміне енгізу туралы өтінім бергенін хабарлағым келеді. Біздің өтінімімізге баға беріледі және менің ойымша, келесі жылдың маусым айында бұл шешіледі", - деді кездесуде Зоология институтының бас директоры, ЮНЕСКО-ның "Адам және биосфера" бағдарламасының Қазақстандық Ұлттық комитетінің төрағасы Роман Ященко.
ЮНЕСКО-ның бүкіләлемдік мұра тізімі - бұл ерекше табиғи немесе адам жасаған нысандар. Тізімнің негізгі міндеті - бұл жерлерді ерекше мәдени, тарихи немесе экологиялық маңыздылығына байланысты сақтау, танымал ету.
Көлсай көлдерін Тянь-Шаньның көгілдір маржаны деп атайды. Барлық үш көл Алматы облысындағы Күнгей Алатау жотасының шығыс бөлігіндегі Көлсай шатқалында, Алматыдан шамамен 300 шақырым жерде орналасқан. Сонымен қатар, Қайыңды көлі де жақын орналасқан.
Астана әкімдігі сенбілікте пластик жинағандарға қағаз салфетка таратқан: Экологтар бұның үлкен қате екенін айтып, дабыл қақты
