Теміржол күзетіне көлік қауіпсіздігін қамтамасыз етуге арналған жаңа арнайы техника берілді

Жаңа қызметтік арнайы техниканы "Әскерилендірілген теміржол күзеті" ЖШС (ӘТЖК) қызметкерлеріне берудің ресми рәсімі өтті.

"ҚТЖ" ҰК" АҚ материалдық-техникалық базасын нығайту бойынша жүйелі жұмыс шеңберінде күзет бөлімшелерінің қажеттіліктері үшін 78 Toyota Hilux жол талғамайтын көлігі сатып алынды. Жаңа жоғары өтімді техника кәсіпорынның бүкіл республика бойынша аумақтық филиалдары арасында бөлінген. Автомобильдер қызмет талаптарына сәйкес толық жабдықталған және теміржол инфрақұрылымы объектілерінің қауіпсіздігін қамтамасыз ету жөніндегі міндеттерді орындауға арналған.

Бөлімшелерді заманауи арнайы техникамен жарақтандыру топтардың ұтқырлығын, әрекет етудің жеделдігін және темір жолы инфрақұрылымының стратегиялық маңызды объектілерінде қауіпсіздікті қамтамасыз етудің тиімділігін айтарлықтай арттыруға мүмкіндік береді.

"ҚТЖ" ҰК" АҚ басқарма төрағасы Талғат Алдыбергенов материалдық-техникалық базаны нығайту және қызмет атқару үшін заманауи жағдайлар жасау компания жұмысының маңызды бағыты екенін атап өтті.

"Әскерилендірілген теміржол күзеті" ЖШС-да қызметті дамытуға, қызметкерлердің еңбек жағдайларын жақсартуға және материалдық-техникалық базаны жаңғыртуға бағытталған шаралар кешені дәйекті түрде іске асырылып жатыр.

Автопаркті жаңартумен қатар қызметкерлерді қызметтің заманауи талаптарына және күзетті алып жүру шарттарына сәйкес келетін жаңа формамен қамтамасыз ету бойынша жоспарлы жұмыс жүргізіліп жатыр. Іске асырылып жатқан шаралар теміржол инфрақұрылымының қауіпсіздігін қамтамасыз етудің тиімділігін арттыруға және елдің көлік саласының стратегиялық маңызды объектілерін сенімді қорғауға бағытталған.