Басты жаңалықтар
Көкшетаулық қыздың шотынан 600 доллар жұмбақ жағдайда жоғалып кеткен
Фото: pixabay.com
Көкшетаудың 24 жастағы тұрғыны алаяқтардың құрбаны болды, оның мобильді қосымшасынан 600 доллардай қаражат жоғалып кеткен. Кейін ақшаның Оңтүстік Африкаға аударылғаны анықталған. Бұл туралы Stan.kz ақпарат агенттігі Ақмола облысы полиция департаментіне сілтеме жасап хабарлайды.
Ведомство баспасөз қызметінің мәліметінше, Көкшетау қаласының полиция қызметкерлері ұрлықтың мән-жайын анықтау бойынша жедел-іздестіру шараларын жүргізіп жатыр.
Жәбірленушінің мәлімдемесіне сәйкес, 17 сәуірде оның шотынан 600 АҚШ доллары жұмбақ жағдайда жоғалып кеткен.
"Ал арызданушының өзі ешқандай банк операцияларын жүргізбеген, ешкімге ақша аудармаған, телефонына да белгісіз абоненттерден қоңырау түспеген", - деп атап өтті Ақмола облысы полиция департаменті өкілдері.
Бастапқы жедел іс-шаралардан кейін шоттағы сома үш транзакция бойынша Оңтүстік Африкаға аударылғаны анықталған.
Қазір полиция қызметкерлері жұмбақ жағдайда жоғалып кеткен ақшаға қатысты мән-жайларды анықтап жатыр.
Талқылау
"Күн сайын 20 000 теңге беруге уәде берген": Қазақстандық азамат ИП-сын жалға беріп, алаяқтардың құрбаны болды
Жеке кәсібін қолдануға алған алаяқтар оған өтемақы ретінде күн сайын 20 000 теңге беруге уәде берген
"1 жыл бойы стресте жүріп, ауруым бар екенін білмегем": Қатерлі ісікке шалдыққан 22 жастағы музыкант қазақстандықтардан көмек сұрады
Райымбек химия терапия қабылдағаннан кейін денсаулығында қиындықтар басталған