Көкшетауда Smart City ("Ақылды қала") жобасын жүзеге асыру жоспарлануда
Ақмола облысының әкімі Ермек Маржықпаев пен "Қазақтелеком" АҚ басқарма төрағасы Қуанышбек Есекеев "Қазақтелеком" акционерлік қоғамы мен Ақмола облысы әкімдігі арасындағы өзара іс-қимыл және ынтымақтастық, Көкшетау қаласында Smart City жобасын іске асыру туралы меморандумға қол қойды.
Кеңеске қалалар мен аудандардың әкімдері, облыстық басқармалардың, департаменттердің, ведомстволар мен мекемелердің басшылары, қоғамдық бірлестіктердің, ұлттық компаниялар мен кәсіпорындардың өкілдері қатысты.
"Мемлекет басшысының "Цифрлық Қазақстан" мемлекеттік бағдарламасын іске асыру жөніндегі тапсырмасын орындау шеңберінде Ақмола облысының әкімдігі "Қазақтелеком" АҚ-мен бірлесіп белсенді жұмыс жүргізуде", - деп атап өтті Е.Маржықпаев.
Сонымен қатар аймақта интернетке қолжетімділікті қамтамасыз ету мақсатында бірқатар шаралар қабылданған.
"Қазақтелеком" АҚ нарығының аймақтағы телефония бойынша үлесі — 96%, Интернетке кең жолақты қолжетімділік-78%. МЖӘ шеңберінде 36 ауылдық елді мекенде және 128 мемлекеттік органда интернетке қолжетімділігі бар оптикалық талшық салынды. ТОБЖ жалпы ұзындығы 700 км. "Бұлтты бейнебақылау" бойынша жобалар іске асырылды-ЖБО-ға қосылған 1288 камера орнатылды, Щучье-Бурабай курорттық аймағында байланыс сапасы мен Интернетке қолжетімділікті жақсарту үшін GPON желілері салынды", - дейді аймақ басшысы.
ҚР Тұңғыш Президенті - Елбасы Нұрсұлтан Назарбаевтың ақылды қалалар құру жөніндегі тапсырмасы бойынша 2018 жылы "Smart City Aqkol"жобасы іске қосылды. Smart City моделін іске асыру үшін Ақкөл қаласында ахуалдық-талдау орталығы салынды, қалалық инфрақұрылымның ақпараттық жүйелері енгізілді, электр энергиясы, су және жылу деректерін берудің зияткерлік датчиктері орнатылды, бейнебақылау және көше жарықтандыру жүйелері жұмыс істейді.
Smart City жобасы аясында облыс орталығын цифрландыру бойынша үлкен жұмыс күтіп тұр. Жаңа оқу жылы қарсаңында облыс мектептерін қашықтықтан оқыту кезінде сапалы интернетпен қамтамасыз ету мәселесі ерекше алаңдатады. Мемлекеттік органдардың деректерін сақтау көлемін ұлғайту мақсатында дата-орталық құрылысының бірлескен жобасы бар. Целиноград ауданы Қосшы ауылында облыспен 3500 ш. м. жер учаскесі бөлінді. Қазақстан мен Ресейдің өңіраралық ынтымақтастық форумы аясында қараша айында онлайн-хабар тарату жүргізіледі, кепілдендірілген жылдамдығы кемінде 100 Мбит/сек болатын негізгі және резервтік жабық арналарды бөлу талап етіледі. Көкшетау қаласындағы ахуалдық орталықтың сапалы жұмыс істеуі үшін полиция департаментінің ЖБО-дан "Smart Aqmola" КММ ғимаратына жеке тікелей талшықты-оптикалық канал жүргізу қажет.
Қ.Есекеев сапар барысында ұзындығы 120 шақырымды құрайтын Шортанды ауданында оптикалық-талшықты байланыс желілерін салу жөніндегі жұмыстардың нәтижелерімен танысқанын айтты. Осының арқасында кең жолақты және жоғары жылдамдықты Интернетке қол жеткізу бірден жеті ауылда пайда болды: Новоселовка, Жолымбет, Раевка, Новокубанка, Петровка, Андреевка және Пригородное. Интернетке 23 мемлекеттік мекеме мен әлеуметтік нысан, оның ішінде 8 мектеп қосылған. Енді ауыл мұғалімдері ең заманауи білім беру әдістемелерін пайдалана алады, ал оқушылар қосымша кеңейтілген ақпарат көздеріне қол жеткізе алады.
Ақмола облысында 36 елді мекеннің ішінде 31 ауылда оптикалық қосу жұмыстары толығымен аяқталды. Қызылағаш, Сепе, Сочинское, Бестөбе және Изобильное ауылдары қазіргі уақытта салынуда. Жалпы өңір аумағында 800 км желі салынады, Бұл ауыл тұрғындарының мемлекеттік, медициналық және білім беру қызметтерінің қол жетімділігімен проблемаларын шешіп қана қоймай, туристік әлеуетті арттыруға мүмкіндік береді.
"Қазақтелеком" АҚ басшысы атап өткендей, ТОБЖ құрылысы өте күрделі, капиталды қажет ететін процесс болып табылады, төсеу трассалары әртүрлі қиын учаскелерден өтеді. ТОБЖ құрылысының технологияларын, нормалары мен ережелерін таңдауда мұқият көзқарас қажет болды. Бірақ барлық қиындықтарға қарамастан, жоба аяқталады.
Слайдтық сүйемелдеуде "Цифрлық Қазақстан" презентациясын өткізіп, Big Data және қала аналитикасы саласындағы "Телекомның" мүмкіндіктері туралы жаңа өнімдерді дамыту департаментінің директоры Самат Имбаев айтып берді.
Қол қойылған ынтымақтастық туралы меморандум "Smart Көкшетау"жобасын іске асыруды көздейді. Оның негізгі элементтері коммуналдық қызметтерді кешенді есепке алу жүйесін автоматтандыру, экологиялық мониторинг жүргізу, көшені жарықтандыруды автоматты реттеу, сондай-ақ әлеуметтік маңызы бар объектілер мен мемлекеттік мекемелерді бейнебақылау жүйесімен қамту жөніндегі шешімдер болады. Бұдан басқа," Қазақтелеком " Smart City жобасы шеңберінде туризм, көлік және логистика саласындағы қалалық міндеттерді шешу, әлеуметтік-демографиялық жоспарлау және жеке кәсіпкерлікті дамытуды ынталандыру үшін мобильді деректерді пайдалануды ұсынды.