Көкшетауда құны 20 миллион теңге болатын контрабандалы темекіні сатпақ болғандар ұсталды
Қаржылық мониторинг агенттігі Ақмола облысы бойынша аумақтық департаменті заңсыз кәсіпкерлік фактісі бойынша сотқа дейінгі тергеу бастады, деп хабарлайды Stan.kz ақпарат агенттігі.
Агенттік ұсынған мәліметке сәйкес, "Газель" маркалы автокөлікті тексеру барысында акциздік таңбалары жоқ 34 500 дана темекі өнімдері табылып, тәркіленді.
“Темекі өнімдері көлікке Нұр-Сұлтан қаласындағы "Әмір" әмбебап базарының аумағында тиеліп, Көкшетау қаласына жөнелтілген. Жедел іздестіру кезінде сол маркадағы темекілер табылды”, – делінген хабарламада.
Мемлекеттік кірістер органдарының ақпараты бойынша 34 500 дана темекінің құны 20 355 000 теңгеге тең.
Қылмыстық-процессуалдық кодекстің 201-бабына сәйкес тергеу мүддесіне қатысты өзге де мәліметтер жария етілмейді.
Талқылау
"Күйеуімді қазақша Дарын деп атайды": Ағылшын азаматына тұрмысқа шыққан қазақ қызы оқиғасын бөлісті
Даррен Чандлер: "Қазақ тілін әйелімнің тілі болғандықтан жақсы көремін"
“Келін қылып алатын қыз”: Желіде қазақша ән айтқан португалиялық ару қазақстандықтарды тәнті етті
Лара: "Қазақтар өте-өте талантты халық”