Көкшетауда 16 жастағы қыз жоғалып кетті

Көкшетауда 16 жастағы Лейла Тойбазар есімді жасөспірім іздестірілуде. Ол үйінен белгісіз бағытқа шығып кеткеннен, оралмаған деп хабарлайды Stan.kz ақпарат агенттігі Polisia.kz порталына сілтеме жасап. 

5 сәуірде Көкшетау қаласы полиция бөліміне Тойбазар Лейла Асхатқызын іздестіруге жәрдем сұрап сіңлісі өтініш жазған.

Жасөспірім 4 сәуір күні сағат 16:00 шамасында үйден белгісіз бағытта шығып кеткен.

Белгілері: бойы 150-155 см, дене бітімі арық, шашы қара, қысқа, көздері қоңыр.

Үстінде күңгірт жасыл түсті күрте, қара түсті шалбар, аяғында қара түсті аяқ киім. 

“Қандай да бір ақпаратқа ие адамдардан Көкшетау қаласының ПБ-на Сәтпаев көшесі, 1а мекенжайы бойынша немесе телефон арқылы хабарлауды сұраймыз 8-(7162)-25-78-05, 8-747-352-16-95 немесе 102”,- делінген хабарландыруда.