Ұлттық банк құрған мәлімет алмасу орталығы күдікті аударымдарды анықтап, оларды бақылады. Осылайша жіберуші және қабылдаушы банктер арқылы бұғаттауға мүмкіндік берді. 2024 жылдың желтоқсанына дейін орталық 11,7 мың алаяқтық әрекетті тіркеді, олардың 65,5%-ы құқық қорғау органдарының араласуымен анықталды.

Алаяқтар орталықтың қызметкерлері ретінде өзін таныстырып, жеке мәліметтерді алу немесе күдікті сілтемелерге өтуге шақырып алдауды ұйымдастырады.

"Антифрод-орталық мәліметтерінше, тіркелген алаяқтық әрекеттердің негізгі бөлігін телефон арқылы алдау (25,5%) болған. Екінші орында – жалған инвестиция ұсыныстары (18,9%). Үшінші орында әлеуметтік желілер мен мессенджерлердегі алаяқтық (17,6%). Сондай-ақ жалған тауар сату, фишингтік сайттар және басқа әдістер арқылы жасалған қылмыстар да тіркелген", –делінген жазбада.

2023 жылы интернет-алаяқтар қазақстандықтардан 11,4 миллиард теңге ұрлаған, бұл өткен жылмен салыстырғанда 2,8 есе көп. Соның ішінде жеке тұлғалардан 11 миллард теңге, заңды тұлғалардан 385 миллион теңге, мемлекеттік ұйымдардан 8,4 миллион теңге алынған. Қайтарылған қаражат көлемі 36,6% болған. Ал қалған қаражат қайтарылмаған.

Алматыда бизнес-орталықтардың бірінде интернет-алаяқтарға арналған байланыс орталығы жұмыс істеген

Тұрғын үйлердің кіреберісіне QR кодтар жаппай ілінген: Мамандар алаяқтықтың жаңа түрі туралы ескертті

Еске салайық, бұған дейін Астанада алаяқтарға алданып қалған ер адамның несиесі 10 жылдан кейін кешірілгенін жаздық. Бас прокуратураның мәліметінше, 2014 жылы алаяқтар ерекше қажеттіліктері бар тұлғаның атына автокөлік несиесін рәсімдеген. Жәбірленушінің бала кезінен мүмкіндігі шектеулі жан екені және психоневрологиялық диспансерде есепте тұратыны анықталды. Алаяқтар жәбірленушінің психикалық ауруын пайдаланып, оны Қостанай облысынан Астана қаласына әкеліп, алаяқтық жолмен оған 5 миллион теңге көлемінде автонесие рәсімдеген.

Талқылау