"Клубта жүрген жоқпын": Трансгендер Амилай тағы да желіні шулатты
Танымал трансгендер, блогер Амилай хиджаб киіп, тағы да қызу талқыға түсті. Бұл туралы Stan.kz ақпарат агенттігі хабарлайды.
Фото: Видеодан скриншот
Желі жұлдызы Рамазан айында ауыз бекіткенін де айтты.
“Оразаларыңыз қабыл болсын. Орамал таққандардың барлығы періште емес! Мен орамал тағып ішіп, шегіп клубта жүрген жоқпын. “Неге мазақ қыласың?” дегендерге жауабым. Мен транс болсам да оразада нәпсімді тыйып, ауыз бекітіп жүрмін. Қаншама қызды көрдім орамал тағып боқтасып ішіп, шегіп жүрген. Міне, соларға “қорлап жүр” деп айтуға болады”, – деп жазды блогер.
Одан кейін желі жұлдызы қасиетті айда қайырымдылық жасап, бір отбасыға азық-түлік апарды.
“Көмектесу үшін артық ақшаң болу керек немесе бос уақытың болу міндетті емес. Біреудің күнін жақсартуға деген шынайы ниет болса, жай ғана күлімсіреу немесе қолдау сөзінің өзі бір көмек. Жақсылық үлкен қимылдарды қажет етпейді. Ол қарапайым іс-әрекеттерден құралады. Ең бастысы – елемей өтіп кетпеу”, – деді трансгендер.
Еске салайық, Трансгендер Амилай әскерге шақырту алған еді.