Басты жаңалықтар
Қызылордада оқу жылының басталуына аз қалса да шатыры ұшып кеткен мектепке жөндеу жүргізілмеген
Қызылордадағы Тасбөгет кентінде шатыры ұшып кеткен екі мектепте әлі күнге құрылыс жұмыстары басталмаған. Тұрғындардың сөзінше, қазір төбеде қалған жабын қатты жел соқса құлап кетуі мүмкін. Ата-аналар шенділердің жайбасарлығының кесірінен балалар қауіпті мектепте оқиды дейді. Бұл туралы Stan.kz ақпарат агенттігі 31-арнаның “Информбюро” бағдарламасына сілтеме жасап хабарлайды.
Тасбөгет кентіндегі №257 мектептептің шатыры 2 ай бұрын қатты жел кезінде ұшып кеткен. Бірақ ғимараттың жабыны содан бері тұр екен. Жаңа оқу жылының басталуына аз уақыт қалса да, жөндеу жұмыстары басталмаған.
Ал шенеуніктер 2 ай бойы бюджеттен қаражат бөлінгенін күткендерін мәлімдеді. Айтуларынша, қазір мемлекеттік сатып алу конкурсы жарияланған.
“Қайткен жағдайда да оқушылар өміріне қауіп төнбейтін жерде оқуы үшін жұмыстар жасалады. Алдағы уақытта тиісті шаралар қабылданады”, – деді Қызылорда қалалық білім бөлімінің бас маманы Қанат Әбдіқадыров.
Екі мектептің шатырын жөндейтін құрылыс компаниялары әлі де анықталмаған. Сөйте тұра білім ұяларының басшылары 1-қыркүйекке дейін ғимараттың кем-кетігін қалыпқа келтіруге уәде берді.
Талқылау
“Партизан болған, 400-ден астам жаралы сарбазды құтқарған”: Екінші дүниежүзілік соғыста ерлік көрсеткен қазақ қыздары кімдер
Әлия мен Мәншүк "Кеңес Одағының батыры", Хиуаз Доспанова "Халық қаһарманы атанды. Бірақ есімі еленбеген, ерлік танытқан қыздарымыз көп
"Жеті жыл күттім": Алматылық жас жігіт 53 жастағы әйелдің жүрегін алғаннан кейін өмірі қалай өзгергенін айтты
Рецепиент Данияр 10 жасына келгенде ауруы асқынып, оттегі баллонын қолдануға мәжбүр болған