Қызылордада биік айналма дөңгелекке шығып алған ер адам өзіне қол салмақ болды
Қызылордалық полицейлер биіктігі 20 метрлік айналма дөңгелекке шығып, өзін-өзі өлтір ер адамды құтқарды, деп хабарлайды Stan.kz ақпарат агенттігі Polisia.kz-ке сілтеме жасап.
26 тамызға қараған түні қызылордалық полиция бөліміне белгісіз біреу қоңырау шалды. Ер адам өзін-өзі өлтіремін деп қалалық саябақта дөңгелек аттракционнан секірмек болған. Полиция дереу оқиға орнына барды.
Жергілікті полиция инспекторы Бақытжан Досмағамбетов пен тергеуші Айдос Амангелдиев аттракционның жоғарғы жағында отырған ер адамды көрді. Ер адам жоғарыда тұрып, төменге секіріп өзін-өзі өлтіремін деп айқайлады. Ол келісімге келмей, сөйлесуден бас тартты. Құтқарушылар оны төменге түсіруге тырысты.
«Біз ер адаммен байланыс орнатуға тырыстық, бірақ 15 минуттан кейін мен оның өз еркімен түспейтінін түсіндім және жоғарыға көтерілуге шешім қабылдадым. Техникалық жұмыстарға арналған шұғыл баспалдақ-туннель болды, мен оның бойымен көтеріле бастадым. Сонымен бірге оны тыныштандыруға көндірдім. Жоғары көтеріліп, мен оны ұстап алдым. Одан алкоголь иісі шығып тұрды. Ол өздігінен түсе алмады, өйткені кез-келген сәтте ол тепе-теңдікті жоғалтып, темір арқалықтардан құлап кетуі мүмкін еді. Мен оны баспалдақпен апара бастадым, оған ер адам агрессивті әрекет жасады, маған қарсыласып бақты», - дейді учаскелік полиция қызметкері.
Алайда ер адам қарсы тұруға тырысқанына қарамастан, полицей оны жерде төмен түсірді. Бұл сәтті куәгерлер видеоға түсіріп желіге жүктеп жіберді.
Полиция мен құтқарушылардың сауатты және жедел әрекетінің көмегімен қайғылы жағдайдың алдын алды. 28 жастағы Қызылорда қаласының тұрғыны полиция бөліміне жеткізілді, онымен психолог сөйлесті. Қазір тәртіп сақшылары оқиғаның барлық мән-жайларын анықтап жатыр.