Қызылорда облысында қыз тәттіге қақалған інісін құтқарып қалды (видео)

Қызылорда облысында қыз мармеладқа қақалып, тұншығып қалған 5 жасар інісін құтқарып қалды. Оқиға бейнебақылау камерасына түсіп қалған, деп хабарлайды Stan.kz ақпарат агенттігі. 

Оқиға Арал ауданында болған. Кадрдан Аружан есімді қыздың інісі Абзалдың қақалып қалғанын байқап, жүгіріп шыққанын көруге болады. Ол бірден арқасынан ұрып, еңкейтіп, сілки бастайды. Қуанышқа орай, қыздың әрекеті бауырының өмірін сақтап қалған. 

"Жарайсың! Өте батыл қыз! Кейде үлкендердің де қолынан келмейтін ерлікті жасады! Туыстар осындай болу керек! Мектепте балаларға алғашқы көмек көрсетуді үйретсе, жақсы болар еді", – деп пікір қалдырды желі қолданушылары.