Соңғы жаңалықтар
Соңғы жаңалықтар

Қытайлық әуекомпания бортында литий қуаттағышы жарылып кетті

литий қуаттағышы жарылып кетті

Видеодан скриншот

Қытайда Air China рейсінің бортында литий қуаттағышынан өрт шықты. Бұл туралы Stan.kz ақпарат агенттігі South China Morning Post басылымына сілтеме жасап хабарлайды.

Оқиға 18 қазанда Ханчжоудан Сеулге (Инчхон) бағыт алған CA139 рейсінде болған.

Әуе компаниясының хабарлауынша, жолаушылардың бірінің сөмкесіндегі литий қуаттағышы өздігінен тұтанған.

Экипаж өртті тез арада сөндірді. Бортта ешкім зардап шеккен жоқ.

Ұшу қауіпсіздігін қамтамасыз ету үшін ұшақ Шанхай Пудун халықаралық әуежайына жоспардан тыс қонуға мәжбүр болды.

Air China хабарлауынша, рейс таңғы сағат 9:47-де ұшып, Инчхонға 12:20-да жетуі керек еді.

Қырмызы Скендирова
Сенбі, 18 Қазан, 2025 19:05
Талқылау