Қытай Жапонияның "Фукусимадан" мұхитқа су ағызу туралы шешіміне наразылық білдірді
ҚХР СІМ Жапонияның апатты "Фукусима-1" атом электр станциясының аса қауіпті радиоактивті заттардан тазартылған суын мұхитқа ағызу туралы шешіміне наразылық білдірді. Бұл туралы ведомствода мәлімдеді, деп хабарлайды Stan.kz ақпарат агенттігі.
Қытай билігі бұл мәселені халықаралық қауымдастықпен талқылауға және бірқатар қарсы шаралар қабылдауға ниетті.
"Мұндай әрекеттер жауапсыздықты көрсетеді, олар денсаулыққа айтарлықтай зиян келтіреді және көрші мемлекеттер халқының қауіпсіздігіне қауіп төндіреді", — делінген хабарламада.
Сондай-ақ, мәтінде жапон тарапының біржақты әрекеттері "Тынық мұхиты суларының сәулеленуіне және генетикалық бұзылуларға әкелуі мүмкін" делінген.
Бұған дейін Жапония билігі апатты "Фукусима-1" АЭС-тен мұхитқа су төгуге ресми түрде рұқсат бергені туралы хабарланған. Мұхитқа су төгуге дайындық процесі шамамен екі жылға созылады.
2011 жылы Жапонияда 9,0 баллдық жер сілкінісі болды, нәтижесінде 18 мыңнан астам адам қаза болды, сонымен қатар "Фукусима-1" АЭС-да апат болды. Он жылдан кейін, 2021 жылдың 13 ақпанында Жапонияның солтүстік-шығысында қуатты жер сілкінісі орын алды, оның магнитудасы 7,1 болды. Эпицентр Фукусима префектурасының аймағында тіркелді. Жапонияның ұлттық метеорологиялық басқармасының өкілі жер асты дүмпулері 2011 жылдың аяғында болғанын айтты. 14 ақпанда Фукусима атом электр станциясында радиоактивті судың ағуы анықталды.
