Соңғы жаңалықтар
Соңғы жаңалықтар

Қырғызстан президенті тағы бір рет ел алдына шықты

Қырғыстан басшысы Сооронбай Жээнбеков халыққа үндеуін жеткізді, деп хабарлайды Stan.kz ақпарат агенттігі. 

Жаэнбеков

"Құрметті отандастар!

Кей саясаткерлердің шектен тыс кеудемсоқтығының кесірінен біздің азаматтардың бейбіт тіршілігі мен ел тыныштығына қауіп төнді. Саяси үндеулермен қатар, елдің бірлігі мен қоғамның тыныш өмірін бұзуға шақыратын провакациялық үндеулер де болды. Қырғызстан қауіп-қатер шегінде тұр.

Қымбатты қырғызстандықтар, халқымыздың бейбіт тіршілігі саяси ойынның құрбанына айналмауы тиіс. Міне, сол үшін ел астанасы Бішкекте төтенше жағдай режимі енгізілді. Бүгін мен сол туралы тиісті жарлыққа қол қойдым.

Конституциялық құзіретімнің аясында мен азаматтардың тыныш өмірі мен елдің біртұтастығын сақтау үшін қолымнан келгеннің бәрін жасаймын.

Елдің бүкіл дені сау күші мені толық қолдайды деп сенемін. Бүгін біз мемлекеттігімізге шынайы қатер төнгенін көріп отырмыз. Сондықтан шетте құр қарап тұрмай, осы қиын күндерден бірге шығайық.

Жаратқан халқымызды және сүйікті Қырғызстанымызды аман сақтасын", - деді Қырғыстан президенті.

Еске салайық, Қырғызстанда Жоғарғы Парламент сайлауынан кейін елде жаппай тәртіпсіздіктер басталған еді. Наразы халық Ақ орданы басып алып, түрмеде отырған бірқатар экс-шенеуніктерді босатып жіберген. 



 

Талқылау
Пікір
Қазір оқып жатыр
Çàãðóçêà...
Қазір оқып жатыр