Кипрге қашты делінген Бауыржан Байбек неміс мектебіне қаржылық қолдау көрсеткен

Алматы қаласының экс-әкімі Бауыржан Байбек Германиядағы музыкалық мектепке қаржылық қолдау көрсеткен деп хабарлайды Stan.kz ақпарат агенттігі. 

Фото: t.me/yyedilov/

Бұл туралы саясаткер Ербол Еділов Тelegram-арнасында жазды. 

“Кипрге қашқан Бауыржан Байбек Любек қаласындағы музыкалық мектепке қаржылық демеу берген. Осылайша танымал пианиношы Эвелинда Трекнердің бюстін орнатып берді”, – деп жазады ол. 

Экс-әкім Германияның Любек қаласындағы музыкалық мектебінде “Болашақ” бағдарламасымен білім алған. 1998 жылы ол  “педогог” мамандығын тәмамдады. 

Еске салайық, бұған дейін экс-әкім Бауыржан Байбектің үстінен қылмыстық іс қозғалғаны туралы ақпарат тараған. Кейін сыбайлас жемқорлыққа қарсы күрес агенттігі бұл мәліметтің шындыққа жанаспайтынын хабарлады.