Ким Чен Ын Оңтүстік Кореяға қарсы әскери қимыл жасауды кейінге қалдырды
Солтүстік Корея көшбасшысы Ким Чен Ын Оңтүстік Кореяға қарсы әрекет қимыл жоспарын кейінге қалдыруға шешім қабылдады. Бұл туралы Кореяның Орталық телеграф агенттігінің хабарламасында жазылған, деп хабарлайды Stan.kz ақпарат агенттігі.
Ким Чен Ын жоспардың іске асырылуын Корея еңбек партиясының Орталық әскери комиссиясының 5-ші сессиясының алдын ала отырысында кейінге қалдырды. Кездесу барысында алдағы сессия шеңберінде қарауға шығарылатын әскери саясаттың негізгі жобалары қаралды.
"Осы отырысқа ұсынылатын баяндамалар мен қаулылар, сондай-ақ елді тежеудің әскери күшін одан әрі нығайту бойынша мемлекеттік шаралар көрсетілген түрлі құжаттар зерттелді", - делінген басылымда.
Бұған дейін Солтүстік Корея көршісіне республика билігін қорлайтын үгіт парақшаларын таратқаны үшін дайындалып жатқан әскери өтем туралы ескертті.
9 маусымда Пхеньян Сеулмен байланыстың барлық желілерін өшірді. Бұған дейін КХДР-ның екі елдің жоғары басшылығы арасындағы әскери және арнайы желіні қоса алғанда, барлық арналар бойынша қарым-қатынасты түпкілікті тоқтату туралы өкімі пайда болды.
"Шетелде билетсіз, қонақүйсіз далада қалдым": Қазақстандықтар авторлық тур сатып аламыз деп 2 млн теңгеге дейін қаражаттарынан қағылған
