"ҚазАвтоЖол" көлік жүргізушілеріне 38 миллион теңге қайтарады
Қарағанды көлік прокуратурасы ақылы жолдармен жүру шарттары туралы қоғамдық келісімде жүргізушілердің құқығын таптайтын норманы анықтады. Бұл туралы Stan.kz ақпарат агенттігі хабарлайды.
"Нақтырақ айтсақ, жедел жол қызметінің тұтынушылары көлік құралының мемлекеттік тіркеу нөмірін өзгерткен кезде пайдаланылмаған төлемдерді қайтара алатын тармақ болған жоқ", - делінген хабарламада.
Онда түзетулер енгізіліп, "ҚазАвтоЖол" АҚ ресми сайттарында (www.qaj.kz, www.1403.kz) орналастырылған.
Прокуратура жүргізген талдау облыс бойынша 69 мың автокөлік жүргізушісіне 38 миллион теңгеден астам аванстық төлемді қайтармағанын көрсетті. Прокуратураның араласуынан кейін ғана тұтынушылардың меншік құқығын қалпына келтіру жұмыстары басталды.
Ұлттық оператордың мүддесі де өте әлсіз қорғалған, бұл қызметтердің 138 мың тұтынушысының 3 жыл ішінде жалпы сомасы 50 миллион теңге қарызы жинақталғаны белгілі болды.
Мұндай азаматтарға қатысты материалдар көбіне ақылы жолдарда төлемақыны уақтылы төлемегені үшін әкімшілік жауапкершілікке тарту үшін көліктік бақылау инспекциясына жіберілмейтін.
Прокуратураның актісі бойынша "ҚазАвтоЖол" АҚ филиалының басшылары тәртіптік жауапкершілікке, жол жүру ақысын төлемеген автокөлік жүргізушілеріне қатысты әкімшілік шараларды қолданбағаны үшін тартылды.
Мұндай жұмыстар еліміздің қалған барлық өңірлерінде де жүргізілмек.