Қазақстанның бірнеше өңірінде мектеп оқушылары қашықтан оқуға көшірілді
Қатты аязға байланысты Астана, Семей және Өскемен қалаларында, Павлодар облысында мектептердің бірінші ауысымындағы оқушылар мен колледждердің бірінші курс студенттері қашықтан оқуға көшірілді. Бұл туралы Stan.kz ақпарат агенттігі хабарлайды.
Астана қаласының білім басқармасы 26 ақпан күні қала мектептеріндегі бірінші ауысымдағы 0-9 сынып оқушылары қашықтан оқуға жіберілгенін хабарлады.
"Ауа райының нашарлауы (температураның төмендеуі) байланысты 2026 жылдың 26 ақпанында бірінші ауысымдағы 0-9 сынып оқушылары қашықтан оқу форматына көшіріледі", – делінген хабарламада.
Павлодар облыстық білім басқармасының мәліметінше, 26 ақпанда Павлодар облысындағы мектептердің бірінші ауысымдағы 1-11 сынып оқушылары, сондай-ақ колледждердің 1-2 курс студенттері қашықтан оқуға көшерілген.
Дәл осындай шектеу Семей қаласында да енгізілген.
"2026 жылдың 26 ақпанында Семей қаласындағы мектептерде қолайсыз ауа райына байланысты (қатты аяз) 1-11 сынып оқушылары мен колледждердің бірінші ауысымдағы 1-2 курс студенттері қашықтан оқу форматына ауыстырылады", – делінген Семей қалалық білім басқармасының хабарламасында.
Сонымен қатар, Өскеменде бірінші және екінші ауысымдағы 0-11 сынып оқушылары да қашықтан оқиды.
"Жоғары жалақы, тегін үй мен тамақ, соңғы үлгідегі MacBook": Италиядағы халықаралық мектепте сабақ беретін қазақстандық ұстаздық жұмысы жайлы айтты
Нұржігіт: "Ата-аналар чаты жоқ, олар ұстазбен сөйлескісі келсе, арнайы қабылдауына жазылады"
"Ауырып қалса, біз жауаптымыз": Қазақстандық мұғалімдер оқушылардың ауыз бекітуіне қарсы шықты
Ал педиатр оқушының ағзасы дамып жатқан ағза, оған су, ақуыз, көмірсу мен май жеткілікті болуы керек дейді