Қазақстанның 10 облысында ауа райына байланысты ескерту жарияланды

Қазақстанның 10 облысында ауа райына байланысты ескерту жарияланды, деп хабарлайды Stan.kz ақпарат агенттігі.

11 сәуірде Жетісу облысының оңтүстігінде, орталығында және таулы аймақтарында нөсер жаңбыр, найзағай, бұршақ күтіледі. Батыстан соғатын жел, облыстың солтүстігінде, шығысында екпіні 15-20, кей уақытта 23-28 м/с. Талдықорғанда өткінші жаңбыр жауып, найзағай ойнайды. 

11 сәуірде түнде Түркістан облысының таулы аймақтарында қатты жауын-шашын (жаңбыр, қар) күтіледі. Оңтүстікте, батыста, облыстың таулы және тау бөктеріндегі аудандарында – найзағай, таулы аймақтарда – бұршақ жауады. Солтүстік-батыстан соғатын желдің екпіні 15-20 м/с. Шымкентте 11 сәуірде түнде және таңертең найзағай күтіледі. Солтүстік-батыстан соғатын желдің екпіні 15-20 м/с.

Ақмола облысының солтүстігінде, шығысында – солтүстік-батыстан жел соғады, екпіні 15-20 м/с.

11 сәуірде таңертең және күндіз Маңғыстау облысының батысы мен оңтүстігінде найзағай күтіледі. Түнде облыстың солтүстік-батысында тұман күтіледі.

Абай облысының оңтүстік-батысында, солтүстігінде оңтүстік-батыстан соғатын жел солтүстік-батысқа ауысады, екпіні 15-20 м/с күтіледі. Семейде 11 сәуірде оңтүстік-батыстан жел соғады, күндіз екпіні 15 м/с болады.

Күндіз Ұлытау облысының орталығында солтүстік-батыстан, батыстан жел соғады, екпіні 15-20 м/с. Жезқазған қаласында күндіз солтүстік-батыстан, батыстан соғатын желдің екпіні 15-20 м/с күтіледі.

11 сәуірде күндіз Қарағанды ​​облысының оңтүстігінде, шығысында батыстан, солтүстік-батыстан соғатын желдің екпіні 15-20 м/с күтіледі.

Күндіз Павлодар облысының басым бөлігінде солтүстік-батыстан соғатын желдің екпіні 15-20 м/с күтіледі. Павлодарда 11 сәуірде күндіз солтүстік-батыстан жел соғады, екпіні 15-20 м/с болады.

11 сәуірде Батыс Қазақстан облысының солтүстік-шығысында, солтүстігінде түнде 3 градус аяз күтіледі. 

Алматы облысы таулы аймақтарының кей жерлерінде қатты жауын-шашын (жаңбыр, қар) күтіледі. Облыстың оңтүстік жартысында – найзағай, бұршақ жауады. Батыс, солтүстік-батыстан жел соғады, облыстың оңтүстік жартысында екпіні 17-22 м/с, найзағай кезінде 25 м/с күшейеді. Алматыда өткінші жаңбыр жауып, найзағай ойнайды. Жел батыстан, солтүстік-батыстан соғады, найзағайдың екпіні 15 м/с.