Қазақстанға этникалық қазақтар мінген арнайы пойыз келді
Қазақстанға тұрақты тұруға Түркменстаннан 153 этникалық қазақ келді, деп хабарлайды Stan.kz ақпарат агенттігі "Лада" басылымына сілтеме жасап.
Қандастарды "Болашақ" станциясында, Қазақстан-Түркменстан шекарасында қарсы алды. ПТР-тест нәтижелерін және барлық қажетті құжаттарды тексергеннен кейін жолаушылар Жаңаөзен станциясына, содан кейін Маңғыстау станциясына келген арнайы пойызға отырды.
Олардың басым бөлігі Маңғыстау облысындағы туыстарына қоныстанды, ал кейбіреулері одан әрі Жамбыл, Ақтөбе облыстарына, Алматы мен Шымкентке жол тартты:
- Ақтауда - 42 адам;
- Мұнайлы ауданына - 58 адам;
- Түпқараған ауданына - 11 адам;
- Жаңаөзен қаласында - 18 адам;
- Жамбыл облысында - 9 адам;
- Алматыда - 11 адам;
- Ақтөбе облысына - 1 адам;
- Шымкентке - 2 адам келді.
Жергілікті атқарушы органдар қандастарды өздері таңдаған өңірге жіберуге дайын екендіктерін мәлімдеді.
2020 жылы дүниежүзілік пандемияға байланысты басқа мемлекеттерден біздің республикамызға азаматтардың кіруі тоқтатылды. Сондықтан көшуді жоспарлаған адамдар Қазақстанға кіре алмады, деп атап өтті Маңғыстау облысы әкімінің баспасөз қызметі.