Қазақстандықтардың жүрегін елжіреткен ақтөбелік қызға белгілі кәсіпкер үй сыйлайтын болды
Белгілі алматылық бизнесмен Қайрат Құдайберген ақтөбелік Махаббат есімді қыздың отбасына жаңа пәтер сатып алып бермек ниетте.
Бұл туралы “Диапазон” хабарлайды.
“Зардап шеккен отбасыға үй салып береміз деген едік, бірақ оларды көп күттіріп қоймай жаңа екі қабатты пәтер сатып алып берейік дедік”, – дейді кәсіпкер.
Бизнесмен аумағы 159 шаршы метр болатын үйді таңдап та қойған екен. Алайда әкімдік оның үйдің өзенге жақын орналасқанын айтып, қарсылық танытқан. Қазір басқа үй іздестіріп жатыр. “Біз істі соңына дейін жеткізіп, бүлдіршінге қуаныш сыйлағымыз келеді” дейді ол.
Фото: Yvision
Қазіргі таңда кішкентай Махаббат Ешімованың да отбасы өзге зардап шегушілермен бірге жалдамалы пәтерде тұрып жатыр. Бұған дейін ол баспаналарын су шайып, астаң-кестеңін шығарғанын айтып билікке үндеу жолдаған еді.
Оқи отырыңыз:
Жолаушы көлікте қалған ақшасын қайтарғаны үшін таксиске үй мен көлік алып берген
Астаналық азамат отбасынан адасып құлдықта болған ер адамды туыстарымен табыстырды