Қазақстандық әнші ислам дінін қабылдап, мұсылман киімін шығарумен айналыса бастады (фото)
FM тобының бұрынғы әншісі Эльвира Құспанова мұсылман әйелдерге арналған киім топтамасын шығарды. Ел назарына қысқа белдемше мен ашық-шашық киімдерімен іліккен әнші бүгінде толықтай өзгерді. Енді ол тартымды киімдердің орнына – қара түсті хиджаб киіп, түнгі клубты шариғат заңдарына ауыстырды.
«Мен өмірлік серігімді кездестіріп, исламға бет бұрдым. Шығармашылық мансабымды да доғардым. Шариғат заңдарына бағынып, өзімді тапқанымды, өмірге не үшін келгенімді енді түсіндім. Барша мұсылман қыздарының әдемі әрі сәнді киінгенін қалаған едім. Киім дизайнымен айналысу идеясы да осы жерде пайда болды», – деді Эльвира Экспресс-К берген сұхбатында.
Эльвира Құспанова құрбысы, әнші Сәбина Шуманаковамен
Эльвира Құспанова өзінің киімдер топтамасын біздің елімізде алғаш өткізілген мұсылмандар сән фестивалінде таныстырды. Ресей, Өзбекстан, Қырғызстан және Қазақстаннан бас-аяғы 50 дизайнер қатысқан сайыс Алматыда өтті. Шығармашылық тұлғалар осы маусымда сәнге енген абайя (мұсылман әйелдерінің көйлегі), хиджаб, түрлі зергерлік бұйымдар мен халал косметика түрлерін ұсынды. Мұндай заттардың бағалары да әртүрлі болып келеді. Мәселен, Эльмира Құспанованың киімдері 15 мың мен 70 мың теңгенің аралығында тұрады.
«Исламдық сәнді брендтерді тек мұсылман әйелдері ғана емес, өзге дін өкілдері де кие алады. Қысқа киімдер сәннен кетіп, ұзын етекті киімдер сәнге кірді. Тіпті, әлемдік «Шанель», «Дольче Габбана» және «Ив Сен Лоран» снды танымал брендтер жабық киім үлгілерін ұсынған», – дейді фестиваль ұйымдастырушысы Зейлі Қалқұлова.
Жіберіп алмаңыз:
Министр хиджаб кигені үшін мектепке кіргізілмеген оқушыға қатысты пікір білдірді
Нью-Йорктағы сән апталығы әйелдерге арналған хиджаб киім үлгілерімен ашылды
Рио Олимпиадасының хиджаб киген ойыншы қыздары (фото)
Жас маман намаз оқып, басына хиджаб таққаны үшін жұмысқа тұра алмай жүр