Қазақстандықтарға қауіпті шәйнектер сатылған: Өндіруші тексеріс бастады

Фото: depositphotos.com

Қазақстанда сатылған қауіпті шәйнектерге өндіруші тексеріс жүргізіп жатыр. Бұл туралы Stan.kz ақпарат агенттігі хабарлайды. 

Тұрмыстық техника өндірушісі VITEK, Қазақстан сауда министрлігі бұл үлгідегі шәйнектердің жеткізілімін тоқтатуды талап еткеннен кейін, VT-1122 электр шәйнектеріне ішкі тексеру жүргізіп жатыр.

Өндірушінің айтуынша, тексеру техникалық реттеу департаменті жүргізген бақылау сатып алуларының нәтижесіне байланысты қолға алынған.

"Ведомствоның сұрауына жауап ретінде барлық қажетті құжаттар мен жүргізілген сараптамалардың нәтижелері ұсынылды", – деді компанияда.

Компания өкілдері қазақстандық реттеушілермен және сауда желілерімен байланыста екенін атап өтті.

"VT-1122 моделі міндетті сертификаттаудан өтеді және толық рұқсат құжаттарымен сатылымға шығады", – деп мәлімдеді VITEK.

Еске салсақ, 6 тамызда сауда министрлігі Vitek VT-1122 шәйнектерінің жеткізілімін тоқтатуды талап етті. Себебі зертханалық сынақтарда 220 В кернеуде құрылғының қуаты 1617 Вт, ал 240 В кернеуде – 1824 Вт болған. Бұл көрсеткіш нормадан 12,6–17,1%-ға төмен.

"Мұндай ауытқулар тұтынушылардың денсаулығы мен қауіпсіздігіне әлеуетті қауіп төндіруі мүмкін", – деп мәлімдеді ведомство.

Дүкендер шәйнектерді саудадан алып тастауға міндеттелді. Жеткізілім тек бұзушылықтар жойылғаннан кейін ғана қайта басталуы мүмкін.

Еске салсақ, осыған дейін Қазақстанда маркетплейстер арқылы қауіпті тауарларды сатуға тосқауыл қойылатынын жазғанбыз.