Қазақстандықтарға 42500 теңге тағы да берілетіні туралы хабарлама келуде

42500 теңге тағы да берілетіні туралы SMS-хабарлама қазақстандықтарды таң қалдырды. Мұндай хабарламалар туралы желі қолданушылары жазды. Қазақстан Республикасының цифрлық даму, инновациялар және аэроғарыш өнеркәсібі министрлігінде жағдайға қатысты түсініктеме берді,  деп хабарлайды Stan.kz ақпарат агенттігі. 

Қазақстандықтар Facebook-тегі "Астана - Что? Где? Когда?" тобында хабарламаның суретін жүктеді.

Пікірлерде желі қолданушылары автордың сөздерін растады.

"Маған да келді. Сонымен, алты айдан кейін кешігіп пе немесе шілдеге дейін күту керек пе? Мен жалпы 42 500 алған жоқпын. Мұны қалай түсінуге болады", - деп жазды Жанель Ки.

"Маған да келді, неге екені белгісіз, өйткені төтенше жағдай аяқталды ғой", - деп жауап берді Бибігүл Болат қыз.

"Әріптесіме де  келді", - деді Қазыбек Барманбеков.

Цифрлық даму, инновациялар және аэроғарыш өнеркәсібі министрлігі техникалық қателік болғанын түсіндірді.

"Түнде жүйелерді жаңарту бойынша стандартты жұмыстар жүргізілді, бұл төлемдерді тағайындау туралы ескі хабарлама жіберуге себеп болды. Хабарлама байланыс операторларының 400 000 абонентіне жіберілді. Бұл жағдай типтік емес және адам факторының салдары болды. Алаңдағандарыңыз үшін кешірім сұраймыз және түсінгендеріңіз үшін алғысымызды білдіреміз", - деп хабарлады "Ұлттық ақпараттық технологиялар" АҚ жұртшылықпен байланыс басқармасының басшысы Анар Мағзұмова.

Талқылау
Пікір
Қазір оқып жатыр
Çàãðóçêà...
Қазір оқып жатыр