Қазақстандықтарға 42 500 теңге туралы SMS келе бастады

Қазақстандықтарға төтенше жағдай кезіндегі әлеуметтік төлем жайлы SMS хабарлама келуде, деп хабарлайды Stan.kz ақпарат агенттігі.

"Сізге төтенше жағдай кезеңіне әлеуметтік төлем 03.16.2020 бастап 04.15.2020 қоса алғанда 42 500 сомада тағайындалды", - делінген хабарламада.

Бұған дейін цифрлық даму, инновация және аэроғарыш өнеркәсібі министрі Асқар Жұмағалиев 60 мың адамға жеңілдіктерді автоматты есептеу туралы SMS-хабарлама жіберілгенін айтқан болатын. Сондай-ақ, 280 мың азаматқа әлеуметтік көмек жіберілетін жауап SMS-те есептік жазбаның нөмірін жіберуді сұрайтын хабарлама түседі.

Тағы оқыңыз

• 42500 теңгені алудың нұсқаулығы жарияланды


• Еңбек министрі 42500 теңгелік жәрдемақыны кімдер алатынын түсіндірді

"Жалпы алғанда, миллионнан астам қазақстандықтар жәрдемақыны белсенді түрде алады, яғни ешқандай өтініш берусіз алады. Сондай-ақ, алдағы уақытта біз egov.kz порталында қоңырау қызметін жаңартамыз және сіз SMS-пароль арқылы ЭЦҚсыз өтініш бере аласыз", - деп қосты Жұмағалиев.