Соңғы жаңалықтар

"Мен - қазақпын. Менің нәсілім қандай?". Әлеуметтік желіде АҚШ тұрғынының сұрағы қызу талқыға түсті

Әлеуметтік желі пайдаланушылары қазақтар қай нәсілге жатады деген сұрақтың аясында қызу пікірталасқа түсуде, деп хабарлайды Stan.kz ақпарат агенттігі. 

нәсіл

"Егер сіз қазақ болсаңыз, өзіңізді қай "нәсілге" жатқызасыз? Ақ нәсілді? Азиаттық? Әлде ортаазиялық? Мені отбасым Қазақстаннан бағып алған, сол себепті АҚШ-тан тыс аумақтарда бұл туралы не айтатынын білмеймін. Мен өзімді қайсыған жатқызсам болады?" - дейді Reddit қолданушысы. 

Желінің басқа да қолданушылары АҚШ-тан тыс мұндай нәсілдік бөлінушілік жоқ екенін айтуда.

Ал АҚШ-тың халық санағы бюросы бойынша қазақстандықтар ақ нәсілге жатқызылады екен. 

"АҚШ-тың халық санағы бюросы 1997 жылы қабылданған нәсілдік және этникалық қатыстылық бойынша басқару және бюджет стандарттары ережелерін сақтауы керек. Ақ нәсілділерге Еуропадан, Орта Азия және Солтүстік Африка мемлекеттерінен шыққандар жатқызылады", - делінген бюроның ресми сайтында. 

Негізінен қазақтар антропологиялық классификация жағынан еуропеоидтық және моңғолоидтық нәсілдердің ортасындағы аралық ұлт болып табылады.

Қазақтардың этногенезінде қазіргі Қазақстан аумағын мекендеген үнді-иран тайпаларының рөлі айқын байқалады. Ал Б.з.б V ғасырдан бастап Орта Азияға азиаттық нәсілді тайпалар келе бастаған. Ұлтымыздың сырттан келген тайпалар мен жергілікті халықпен сіңісуі ғалымдардың пікірінше жиырма ғасырға созылыпты. 

Айта кетейік, АҚШ-та азаматтарды ақ, қара (афроамерикалық), америкалық үндіс немесе Аляскада туған, азиаттық, Гавайида туған немесе Тыных мұхит аралдарында туған деп бөліну қарастырылған. 

 

Талқылау
Пікір
Қазір оқып жатыр
Çàãðóçêà...
Қазір оқып жатыр