Мемлекет басшысының Ресей Президенті Владимир Путинмен жасаған келісіміне сәйкес осы жылдың 22 желтоқсанынан бастап Қазақстанда ресейлік «Спутник V» вакцинасын өндіру қолға алынады.

"Мемлекет басшысы мен Ресей Федерациясының Президенті Владимир Путиннің келісіміне сәйкес Қазақстанда Ресейдің Sputnik V вакцинасы өндірісі үстіміздегі жылдың 22 желтоқсанында басталатыны туралы хабарланды. 2021 жылдан бастап тұрғындарға ерікті түрде жаппай вакцина егу жоспарланып отыр. Алғашқы кезеңде тұрғындардың ауруды жұқтыру қаупі жоғары тобы, яғни дәрігерлер, педагогтар, күштік құрылымдардың қызметкерлері қамтылады", - деп жазады Ақорданың баспасөз қызметі.

Бірінші кезең вакцина халықтың инфекция қаупі жоғары топтарын, оның ішінде дәрігерлерді, мұғалімдерді, құқық қорғау органдарының қызметкерлерін қамтитыны атап өтілген.

Бұған дейін хабарланғандай, желтоқсан айында Қазақстан қазақстандық вакцина өндірісін іске қосуды жоспарлап отыр.

Сонымен қатар мемлекет басшысына осы жылдың соңына дейін 2 миллион мөлшер көлеміндегі отандық вакцинаның алғашқы партиясы шығарылатыны туралы ақпарат берілді.

Қасым-Жомарт Тоқаев Асқар Маминге отандық вакцина өндірісіне қатысты берілген тапсырманы жедел орындағаны үшін алғыс білдіріп, дәрінің тиімділігіне баса мән беруді және тұрғындарға қол жетімді болуын бақылауда ұстауды тапсырды.

Талқылау