Қазақстандық "Томирис" фильмі каскадёрлік "Оскар" сыйлығын алды

«Томирис» фильмі әлемдік каскадёрлар академиясының жоғары наградасына ие болды, деп хабарлайды 

Ақан Сатаевтың «Томирис» тарихи драмасы ең жақсы трюктері үшін әлемдік каскадёрлар академиясының жоғары Taurus сыйлығын алды.

Бұл туралы NOMAD STUNTS каскадерлік тобы өздерінің Facebook парақшасында хабарлады.

«Taurus біздікі! Біз сіздермен үлкен қуанышымызды бөліспекпіз. «Томирис» фильмі әлемдік каскадёрлар академиясының Taurus сыйлығын алды. Бұл каскадёрлік «Оскар» деп аталатын ең беделді сыйлық. Біздің елдің тарихында тұңғыш рет «Шетелдік фильмдегі трюк» номинациясы бойынша қазақстандық фильм үздік деп танылды, деп хабарлады қазақстандық каскадерлер тобы Nomad Stunts.