Қазақстандық мұғалім TikTok-та ең мықты контент жасаушылардың тізіміне кірді
Қазақстандағы орыс тілі мен әдебиеті мұғалімі Ботагөз Омарова TikTok-тың Discover List 2025 әлемдегі 50 мықты авторлардың тізіміне енді. Бұл туралы Stan.kz ақпарат агенттігі хабарлайды.
видеодан скрин
Discover List – бұл бүкіл әлемдегі көрнекті контент жасаушыларды тануға арналған TikTok-тың арнайы жобасы. 2025 жылы тізімге бес тақырыптық санат бойынша контент жасаушылар кірді:
- Педагогтар – пайдаланушыларды оқытатын және шабыттандыратын авторлар;
- Гурмандар (Foodies) – бірегей аспаздық мазмұнды жасайтын жасаушылар;
- Иконалар – трендтер мен цифрлық мәдениет көшбасшылары;
- Инноваторлар – форматтар мен мазмұнмен тәжірибе жасайтын авторлар;
- Музыканттар (оригинаторлар) – вирустық трендтерді, дыбыстарды және мемдерді жасайтындар.
Жетісу облысы Алакөл ауданы Достық ауылының орыс тілі пәнінің мұғалімі Ботагөз Омарова (@botagozomarova2) TikTok-тан "Мұғалім" деген белгі алды. Бұл платформадағы білім беру контентін дамытуға қосқан үлесін көрсетеді. Онымен бірге "Мұғалімдер" санатына Польша, Аустралия, АҚШ, Сауд Арабиясы, Кения және Ұлыбританияның 9 блогері енді.
Ботагөз Омарованың контентінде біліммен қоса юмор және оқытудың дәстүрлі емес тәсілдері бар. Шығармашылық форматтың арқасында Ботагөз Омарованың сабақтары тек мектеп оқушыларына емес, ересектерге де әсер етеді.
"Мен әрқашан тіл үйрену ережелерді жаттау емес, қызықты процесс екенін көрсеткім келді. Мен TikTok-тың халықаралық көрнекті контент жасаушыларының тізіміне енгеніме мақтанамын. Менің жұмысым білімге, әсіресе, орыс тілі мен әдебиетіне жаңа көзқараспен қарауға көмектесетініне қуаныштымын", – деп бөлісті Достық тұрғыны.
Discover тізіміне кіру үшін бірнеше критерий бар:
- Аудиторияның белсенділігі,
- Оқырмандар саны,
- Қаралым және лүпіл саны
- Белгілеу,
- Контенттің әсері
- Аудиториямен қарым-қатынас.
Ботагөз Омарова 2023 жылы #Қазақстанмұғалімдері Tiktok байқауының жеңімпазы болған.
Еске салсақ, желіде математикадан сабақ берген 93 жастағы кейуана қазақстандықтарды тәнті еткен еді.
@botagozomarova2 #короткоиясно #рек #рекомендации❤️❤️❤️ ♬ оригинальный звук - Ботагоз Омарова629