Қазақстандық колонияларында сотталғандардың туыстарымен кездесуіне рұқсат беріледі

Қылмыстық-атқару жүйесі мекемелері сотталғандардың туыстарымен кездесуін қайта бастауды жоспарлап отыр, деп хабарлайды Stan.kz ақпарат агенттігі. 

ҚАЖ комитетінің хабарлауынша, қылмыстық-атқару кодексіне сәйкес ұзақ мерзімді кездесу 2 тәуліктен аспайды және алдын ала жазылу бойынша беріледі. Ұзақ кездесуден кейін сотталғандар 14 күндік карантинге орналастырылады, осылайша өзгелерден оқшауланады.

"Бұл жұмыс аумақтық санитарлық-эпидемиологиялық қызметтермен бірлесіп жүргізілуде, олар біздің мекемелердің кездесулерді қайта бастау дайындығына баға береді. Сонымен қатар, коронавирустық инфекцияны жұқтыру қаупін ескере отырып, сотталғандарға ПТР тестінің 5 тәуліктен аспайтын теріс нәтижесі болған кезде бір ересек туысымен ұзақ кездесуге рұқсат беріледі. Қысқа мерзімді кездесулерге келетін болсақ, олар қалыпты режимде, бірақ барлық санитарлық-эпидемияға қарсы шараларды сақтай отырып берілетін болады", - деді ҚР ІІМ ҚАЖ комитеті төрағасының міндетін атқарушы Есқали Саламатов.

Барлық шаралар сотталғандардың жұқтыруына жол бермеу және ҚАЖ мекемелерінде тұрақты эпидемиологиялық жағдайды сақтау мақсатында қабылданады.

Кездесулерді тоқтату кезеңінде телефон және видеомен сөйлесулерді өткізу үшін жағдайлар жасалды. Осы уақыт ішінде сотталғандарға 350 мыңға жуық телефон арқылы сөйлесу, ұзақтығы 15 минутқа дейінгі бейнебайланыс арқылы 18 мың қоңырау және ұзақтығы 2 сағатқа дейінгі 5 мыңға жуық бейнетаспа берілді.

Талқылау
Пікір
Қазір оқып жатыр
Çàãðóçêà...
Қазір оқып жатыр