Қазақстандық кәсіпқой боксшы екінші жекпе-жегін уақытынан бұрын аяқтады

Қазақстандық боксшы Виктор Темиров (2-0, 2 КО) Бад-Вильдунгенде (Германия) кәсіпқой рингтегі екінші жекпе-жегін өткізді, деп хабарлайды Stan.kz Ақпарат агенттігі

21 жастағы алматылық бірінші орта салмақта грузиялық Бека Мурджикнелимен (6-24-1, 4 КО) кездесіп, екінші раундта нокаутпен жеңіске жетті.

Виктор Темиров кәсіпқой бокста 2021 жылы 10 шілдеде дебют жасаған болатын. Ол кезде Мюнхенде (Германия) тағы бір грузиялық боксшы Гурам Куртанидзені (4-15-5, 1 КО) бірінші раундта нокаутқа түсірген еді.