Қазақстандық дзюдошы Тәжікстандағы Гран-при турнирінде қола медаль иеленді
Тәжікстан астанасы Душанбеде дзюдодан Гран-при турнирі басталды. Жарыстың бірінші күні қазақстандық дзюдошы Сұңғат Жұбатқан қола медаль иеленді. Бұл туралы Stan.kz ақпарат агенттігі хабарлайды.
66 келіге дейінгі салмақ дәрежесінде Сұңғат Жұбатқан дебюттік раундтан өтіп, израильдік қарсыласын, содан кейін екінші турда Нурали Эмомалиді жеңді.
Ширек финалда қазақстандық спортшы ресейлік дзюдошы Мурад Шопановтан жеңілді, бірақ содан кейін Ұлыбритания өкілін жеңді.
Қола медаль үшін жекпе-жекте Жұбатқан испаниялық Адриан Нето Чинарроны жеңді.
Гран-приге 40 елден 315 спортшы қатысады. Әлемдік старт 4 маусымға дейін жалғасады.
Талқылау